10-ئاينىڭ 21-كۈنى، ئۈرۈمچى كۆچمەنلەر ئىشلىرى مۇلازىمەت مەركىزى (چەت ئەل ئىختىساسلىقلىرى مۇلازىمەت مەركىزى) رەسمىي يوپۇق ئېچىپ قۇرۇلدى. بۇ، پۈتۈن شىنجاڭ بويىچە تۇنجى كۆچمەنلەر ئىشلىرى مۇلازىمەت مەركىزى بولۇپ، كۆزنەك ئىقتىدارى تولۇق، مۇلازىمىتى مول، ئورۇنلاشتۇرۇلۇشى مۇۋاپىق بولغان چەت ئەلگە ئالاقىدار ھەر تەرەپلىمە مۇلازىمەت ئۇنىۋېرسال سۇپىسىغا ئايلىنىدۇ.
10-ئاينىڭ 21-كۈنى، مىسىرلىق بىر كىشى ئۈرۈمچى كۆچمەنلەر ئىشلىرى مۇلازىمەت مەركىزى (چەت ئەل ئىختىساسلىقلىرى مۇلازىمەت مەركىزى)نىڭ ئاپتوماتىك پۇل ئېلىش ماشىنىسىدا پۇل ئالماشتۇرماقتا.
بۇ مەركەز دىققەتنى چەت ئەللىك خادىملارنىڭ ئۈرۈمچىگە كېلىپ خىزمەت قىلىش، تۇرمۇش كەچۈرۈش، داۋالىنىش، مائارىپ، جەمئىيەتكە سىڭىشىش قاتارلىق جەھەتلەردىكى ئېھتىياجىغا مەركەزلەشتۈرگەن بولۇپ، چەت ئەللىك خادىملارنى چېگرادىن كىرىش ـ چىقىش كەسپىنى بېجىرىش، سىياسەت، قانۇن ـ نىزامدىن مەسلىھەت بېرىش، چەت ئەلگە ئالاقىدار قانۇن، تىل ـ مەدەنىيەت قاتارلىق «بىر پونكىت شەكلى»دىكى مۇلازىمەت بىلەن تەمىنلەيدۇ. ئۇلار «ئېھتىياج يۆنىلىشى، تارماقلار ھەمتۈرتكە بولۇش، جەمئىيەت قاتنىشىش»تىن ئىبارەت قۇرۇلۇش تەپەككۇرى بويىچە، گۇڭئەن، پەن-تېخنىكا، ئىختىساسلىقلار، مائارىپ قاتارلىق ئوخشاش بولمىغان ساھەدىكى كۆچمەنلەرنى باشقۇرۇش مۇلازىمىتىنى بىرلەشتۈرۈپ «بىر پونكىت شەكلى»دىكى توپلاشقان مۇلازىمەت سىستېمىسىغا ئايلاندۇرىدۇ. نۆۋەتتە، بۇ مەركەز ئاساسلىقى «بىر بېكەت شەكلى»دىكى كەسىپ بېجىرىش مەخسۇس رايونى، «تولۇق ئامىللىق» ئاممىۋى مۇلازىمەت مەخسۇس رايونى، «ھەر تەرەپلىمە» مەدەنىيەت ئالماشتۇرۇش كۆرگەزمە رايونىدىن ئىبارەت ئۈچ چوڭ فۇنكسىيەلىك بۆلەككە بۆلۈنگەن بولۇپ، 17 كەسىپ بېجىرىش ئىش تۈرى ۋە چەت ئەلگە چېتىشلىق 16 مۇلازىمەت ئىش تۈرىنى ئۆز ئىچىگە ئالىدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
