2024 ـ يىل 9 ـ ئاينىڭ 26 ـ كۈنى، چۇڭچىڭ شەھەرلىك 6 ـ نۆۋەتلىك خەلق قۇرۇلتىيى دائىمىي كومىتېتى ئۇقتۇرۇش چىقىرىپ مۇنداق دېدى: بېيبېي رايونلۇق خەلق قۇرۇلتىيىدا سايلانغان چۇڭچىڭ شەھەرلىك 6-نۆۋەتلىك خەلق قۇرۇلتىيىنىڭ ۋەكىلى ۋاڭ جۈن چۇڭچىڭ شەھىرىدىن يۆتكىلىپ كەتتى، خىزمەت مۇناسىۋىتى ئۆز مەمۇرىي رايونىدا ئەمەس. ۋەكىللەر قانۇنىدىكى ئالاقىدار بەلگىلىمىلەرگە ئاساسەن، ۋاڭ جۈننىڭ چۇڭچىڭ شەھەرلىك 6-نۆۋەتلىك خەلق قۇرۇلتىيىنىڭ ۋەكىللىك سالاھىيىتى ئاخىرلىشىدۇ.
ئۇنىڭدىن باشقا، «شىنجاڭ رەڭلىك مېتال» ئۈندىدار سالونىنىڭ خەۋىرىگە ئاساسلانغاندا، 9 ـ ئاينىڭ 18 ـ كۈنى، شىنجاڭ رەڭلىك مېتال گۇرۇھى پارتىيە كومىتېتىنىڭ شۇجىسى، باش مۇدىر جاڭ گوخۇا ئۆمەك باشلاپ ئىلى قازاق ئاپتونوم ئوبلاستىغا بېرىپ ئىلى ئوبلاستلىق پارتىيە كومىتېتى، خەلق ھۆكۈمىتىنىڭ ئاساسلىق رەھبەرلىرى بىلەن كۆرۈشكەن. ئىلى ئوبلاستلىق پارتىيە كومىتېتىنىڭ مۇئاۋىن شۇجىسى ۋاڭ جۈن سۆھبەتلىشىش ۋە پىكىر ئالماشتۇرۇشقا قاتناشقان.
ۋاڭ جۈن 1966-يىلى تۇغۇلغان، چۇڭچىڭ شەھىرى نەنئەن رايونىنىڭ رايون باشلىقى، دادۇكوۋ رايونلۇق پارتىيە كومىتېتىنىڭ شۇجىسى قاتارلىق ۋەزىپىلەرنى ئۆتىگەن، 2021-يىلى بېيبېي رايونلۇق پارتىيە كومىتېتىنىڭ شۇجىسىلىق ۋەزىپىسىنى ئۆتىگەن.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
