مۇخبىرنىڭ 7-ئاينىڭ 14-كۈنى يۈننەن ئۆلكىلىك ھۆكۈمەت ئاخبارات ئىشخانىسى كۈنمىڭدا ئاچقان ئاخبارات ئېلان قىلىش يىغىنىدىن ئىگىلىشىچە، بۇ يىل يۈننەن ئۆلكىسى قۇتقۇزۇش-ياردەم بېرىش كاپالىتى ئۆلچىمىنى مۇۋاپىق تەڭشەپ، 7-ئايدىن باشلاپ ئىجتىمائىي قۇتقۇزۇش-ياردەم بېرىشنىڭ ئۆلكە دەرىجىلىك يېتەكچى ئۆلچىمىنى ئۆستۈرۈپ، شەھەرلەردىكى تۆۋەن تۇرمۇش كاپالىتىدىن بەھرىمەن بولىدىغان ھەربىر كىشىنىڭ ئېيىغا 735 يۈەنگە ئۆستۈرۈلۈپ، بۇلتۇرقىدىن ％1 ئاشۇرۇلىدىكەن؛ يېزىلاردىكى تۆۋەن تۇرمۇش كاپالىتىدىن بەھرىمەن بولىدىغانلارنىڭ ھەريىلى 6400 يۈەنگە ئۆستۈرۈلۈپ، بۇلتۇرقىدىن ％6 ئاشۇرۇلىدىكەن؛ ئالاھىدە قىيىنچىلىقى بارلارنىڭ ئاساسىي تۇرمۇش ئۆلچىمى ئۆستۈرۈلۈپ ھەربىر كىشىگە ئايدا 956 يۈەن بېرىلىپ، بۇلتۇرقىدىن ％9 ئاشۇرۇلىدىكەن.
يۈننەن ئۆلكىلىك خەلق ئىشلىرى نازارىتى پارتىيە گۇرۇپپىسىنىڭ ئەزاسى، مۇئاۋىن نازىر ما بىن مۇنداق تونۇشتۇردى: 2024-يىلى مەركەز ۋە يۈننەن ئۆلكە دەرىجىلىك جەمئىي ئورۇنلاشتۇرغان قىيىنچىلىقى بار ئاممىنى قۇتقۇزۇش ـ ياردەم بېرىش مەبلىغى 13 مىليارد 105 مىليون يۈەن بولۇپ، بۇ يىل 5-ئايدا تولۇق راسچوت قىلىنىپ چۈشۈرۈلدى؛ 1-ئايدىن 6-ئايغىچە، ئۆلكە بويىچە جەمئىي چىقىم قىلىنغان قىيىنچىلىقى بار ئاممىنى قۇتقۇزۇش-ياردەم بېرىش مەبلىغى 6 مىليارد 758 مىليون يۈەن بولغان.
ئىگىلىنىشىچە، يۈننەن ئۆلكىسى «يۈننەن ئۆلكىسى تۆۋەن كىرىملىك ئاھالىلەرنى ھەرىكەتچان كۆزىتىپ ئۆلچەش ئۇچۇر سۇپىسى»نىڭ ئىقتىدارىنى سىجىل كېڭەيتىپ، مۇكەممەللەشتۈرۈپ، نامراتلىشىپ كېتىش خەۋپ-خەتىرى ساقلانغان تۆۋەن كىرىملىك ئاھالىلەردىنئالدىن سىگنال بېرىپ بىرنى قالدۇرماي تەكشۈرۈپ، پۈتۈن ئۆلكە بويىچە 3 مىليون 542 مىڭ 200 تۆۋەن كىرىملىك ئاھالىنى يىغقان ۋە كۆزىتىپ ئۆلچىگەن.
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
