خەلق تورى ئۇيغۇرچە قانىلىنىڭ23-ئىيۇل بېيجىڭدىن بەرگەن تېلېگراممىسى: شۇ جاي ۋاقتى 21-ئىيۇل، دۆلەت رەئىسى شى جىنپىڭ ھاۋاناغا يېتىپ بېرىپ، كۇبادىكى دۆلەت ئىشلىرى زىيارىتىنى باشلىدى.
شى جىنپىڭ مۇنۇلارنى كۆرسەتتى: 1960-يىل كۇبا لاتىن ئامېرىكىسى ۋە كارب دېڭىز رايونى بويىچە ئەڭ ئاۋۋال جۇڭگو بىلەن دىپلوماتىك مۇناسىۋەت ئورنىتىپ، جۇڭگو-لاتىن ئامېرىكىسى مۇناسىۋىتىنىڭ يېڭى دەۋرىنى ئاچقانىدى. جۇڭگو-كۇبا مۇناسىۋىتى خەلقئارادىكى بوران-چاپقۇن ۋە ئۆزگىرىشلەرنىڭ سىنىقىدىن ئۆتكەن. ھەر ئىككى دۆلەت ئۆز تەرەققىياتىنىڭ ھالقىلىق مەزگىلىدە تۇرۇۋاتقان بۈگۈنكى كۈندە، جۇڭگو-كۇبا مۇناسىۋىتى مۇھىم تەرەققىيات پۇرسىتىنى كۈتۈۋالدى. مەن زىيارەت داۋامىدا رەئىس رائۇل كاستىرو قاتارلىق كۇبا رەھبەرلىرى بىلەن ئىككى تەرەپ مۇناسىۋىتى ۋە ئورتاق كۆڭۈل بۆلىدىغان مەسىلىلەر ئۈستىدە چوڭقۇر پىكىر ئالماشتۇرۇپ، ئىككى دۆلەت مۇناسىۋىتىنىڭ تەرەققىيات تەجرىبىلىرىنى ئومۇميۈزلۈك خۇلاسىلەپ، ئىككى دۆلەت مۇناسىۋىتىنىڭ كەلگۈسى تەرەققىياتىنى پىلانلاپ، جۇڭگو بىلەن كۇبانىڭ ئۆزئارا مەنپەئەت يەتكۈزۈش، دوستلۇق، ھەمكارلىق ئاساسىدىكى يېڭى دەۋرىنى بىرلىكتە ئېچىشنى ئۈمىد قىلىمەن.
جۇڭگو مىللەتلەر تەرجىمە ئىدارىسى تەرجىمىسى
مەنبە: خەلق تورى