ئاۋىستىرالىيەنىڭ سىدنىي شەھىرىدە ھەر يىلى قىزىقارلىق يۈگۈرۈش مۇسابىقىسى ئۆتكۈزۈلىدىكەن، بۇ مۇسابىقىنىڭ قاتناشقۇچىلارغا قويغان تەلىپى بەكمۇ ئاددىي بولۇپ، مەيلى تەنھەرىكەتچى ياكى مېيىپ، مەيلى قېرى ياكى ياش بولۇشىدىن قەتئىي نەزەر، يۈگۈرۈشكە قىزىقىدىغانلارنىڭ ھەممىسى بۇ مۇسابىقىگە قاتناشسا بولىدىكەن. خەۋەر قىلىنىشىچە، بۇ يىلقى 44-نۆۋەتلىك مۇسابىقىگە 80 مىڭدىن ئارتۇق ئادەم قاتناشقان بولۇپ، مۇسابىقە مەيدانىدا بوۋاق ھارۋىسىنى ئىتتىرگەن ئانا، «X ئەسكەر» ناملىق كىنو فىلىمىدا رول ئالغان ئارتىس، ئات كىيىمىنى كىيىۋالغان يىگىت بار ئىكەن. مۇسابىقىگە قاتناشقۇچىلار سىدنىينىڭ مەركىزى سودا رايونىدىن بوندى دېڭىز ساھىلىگىچە بولغان 14 كىلومېتىر مۇساپىنى يۈگۈرۇپ تۈگەتسىلا مۇسابىقىنى ئۇتۇقلۇق تاماملىغان بولىدىكەن. ئىگىلىنىشىچە، بۇ يۈگۈرۈش مۇسابىقىسى دۇنيادىكى ئەڭ چوڭ ئىنائە توپلاشنى مەقسەت قىلغان مۇسابىقە بولۇپ، ھازىرغا قەدەر خەيرىيەت ئىشلىرى ئۈچۈن 4 مىليون دوللار توپلىغان ئىكەن.