پۈتۈن دۇنيانى زىل-زىلىگە كەلتۈرگەن ئەر «ئانا»
ھامىلدار بولغىنىغا ئالتە ئاي بولغان توماس گەرچە ھامىلدار بولسىمۇ، چىرايى ئەردەكلا، چۈنكى ئۇ جىنىس ئۆزگەرتكۈچى، جىنىس ئۆزگەرتكەندە بالىياتقۇسىنى ئېلىۋەتمىگەن . ئۇ بىر مەزگىل پۈتكۈل دۇنيانىڭ قىززىق نۇقتىسىغا ئايلىنىپ قالغان، بۇ يىل 43ياشقا كىرگەن توماس يېقىندا يەڭگىيدىغانلىقىنى بىلدۈرگەن. توماس، قىزىنىڭ ئىسمىنىمۇ ئويلىشىپ قويغانلىقىنى، ئۆزىنى ناھايىتى بەختلىك ھېس قىلىدىغانلىقىنى، قىزىنىڭ بۇ دۇنياغا تېزرەك كېلىشىنى تۆت كۆزى بىلەن كۈتىدىغانلىقىنى بىلدۈرگەن.
توماس ھامىلدار بولۇش جەريانىنى سۆزلەپ، ئۆزىنىڭ ھېچقانداق بىر ماسلىشالماسلىق تۇيغۇسىدا بولمىغانلىقىنى ئېيىتقان. ئۇنىڭ بىلەن ئايالى پەرزەنتىنىڭ بۇ دۇنياغا كۆز ئېچىشىنى تۆت كۆزى بىلەن كۈتكەن. بۇ ئەر-ئاياللارغا نىسبەتەن ئېيتقاندا، ھامىلدار بولۇش ئۇنداق ئاسان ئىش ئەمەس، چۈنكى توماس ئۇرۇق تەمىنلىيەلمەيدۇ، نەنسىنىڭ ئېغىر دەرىجىدە بالىياتقۇ ئىچكى پەردىسى ئېكتوپىك بولۇش كېسىلى بار، 20 يىل بۇرۇنلا بالىياتقۇسىنى كېسىپ ئېلىۋەتكەن. بالىغا ئامراق بۇ ئەر-ئاياللار سۈنئىي ئۇسۇلدا ئۇرۇقلاندۇرۇش ئارقىلىق، توماس قورساق كۆتۈرگەن.
ئەينى ۋاقىتتا، توماس جىنىس ئۆزگەرتىش ئوپراتسىيەسىنىڭ بارلىق جەريانىنى ئېلىپ بارمىغان، پەقەت كۆكسىنىڭ شەكلىنى ئۆزگەرتىش، ئۇرۇقدان ھورمۇنى ئۇرۇش ئارقىلىق ئەرلىك بەلگىسىنى ساقلاپ قالغان. بۇ ئۇنىڭ يەنە «ھامىلدار بولۇش ھوقۇقى» بارلىقىدىن دېرەك بېرىدۇ. توماس: «ئىككى يىل بۇرۇن مەن ئۇرۇقدان ھورمۇنى ئۇرۇشنى توختىتىۋەتكەن، تۆت ئايدىن كېيىن ھەيزىم كەلگەن»دېگەن.