- مۇھىم
- مەملىكەت
- شىنجاڭ
- خەلقئارا
ئىممۇنىتېت كۈچىنى ئاشۇرىدىغان يىمەكلىكلەر
2016.02.04 15:41 مەنبە: خەلق تورى
بالىلار، ئاياللار ۋە ياشانغانلار قىش پەسلىدە ئىممۇنىتېت كۈچىنى ئاشۇرۇشقا سەل قارىسا بولمايدۇ، ئەگەر قارشىلىق كۈچى تۆۋەن بولغاندا، ئاسان زۇكام تىگىش، ماسلىشىشچانلىقى تۆۋەن بۇلۇش ئەھۋاللىرى كۆرۈلىدۇ. تۆۋەندە كۆپچىلىككە ئىممۇنىتېت كۈچىنى ئۆستۈرۈش رولىغا ئىگە بىرقانچە خىل ساغلاملىق مەھسۇلاتلىرى ۋە يېمەكلىكنى تونۇشتۇرىمىز.
ئىممۇنىتېت كۈچىنى ئاشۇرىدىغان ساغلاملىق مەھسۇلاتلىرى
ھەرە يىلىمى: ھەرە يىلىمى يۇتقۇچى ھۈجەيرىنىڭ باكتېرىيە ۋە ۋىرۇسلارنى يۇتۇۋېلىش ئىقتىدارىنى يۇقىرى كۆتۈرۈپ، ئادەم بەدىنى ئورگانىزمى ئىممۇنىتېت سىستېمىسىنىڭ ھەرىكەتىنى تەڭپۇڭلاشتۇرىدۇ، شۇڭا ھەرە يىلىمى « تەبىئىي ئىممۇنىتنى كۈچەيتكۈچى دورا» دەپ ئاتالغان.
بۇرمىسىمان يۈسۈن: بۇرمىسىمان يۈسۈننىڭ تەركىبىدىكى ئاقسىل مىقدارى60%-70% غا يىتىدىغان بۇلۇپ، تەركىبىدە مول كاروتىن، ۋىتامىنE ، ۋىتامىن C، كىسلاتالىق بەدەن سۈپىتىنى تەڭشەپ، ئادەم بەدىنىنىڭ ئىممۇنىتېت كۈچىنى كۈچەيتىدۇ.
مېھرىگىياھ: مېھرىگىياھنى كۆپ ئىستىمال قىلىپ بەرگەندە، ئادەم بەدىنىنىڭ ئىممۇنىتبت كۈچىنى ئاشۇرغىلى بۇلىدۇ. چۈنكى، مېھرىگىياھ تەركىبىدە راكقا قارشى تۇرۇش ئۈنۈمىگە ئىگە پولى ساخارىد بار، بۇنىڭدىن باشقا يەنە، مېھرىگىياھ تەركىبىدە مول بولغان گىرمانىي ئېلمىنتى بارلىقى بايقالغان بۇلۇپ، گېرمانىي ئادەم بەدىنىنىڭ مېتابولىزىم سۈرئىتنى تېزلىتىپ، ھۈجەيرىنىڭ قېرىشىنى كېچىكتۈرۈپ، ئادەم بەدىنىدىكى ئىنتېرفېروننى يېتەكلەش ئارقىلىق، ئۇنىڭ راكقا قارشى تۇرۇش رولىنى جارى قىلدۇرىدۇ.
ئىممۇنىتېت كۈچىنى ئاشۇرىدىغان يېمەكلىكلەر
گۈمبەدەك. گۈمبەدەكنى كۆپ ئىستىمال قىلىپ بەرگەندە، ئاق قان ھۈجەيرىسىنىڭ يۇقۇملىنىشقا قارشى ئىممۇنىتېت كۈچىنى كۈچەيتىدۇ. ئۇزۇندىن بۇيان، كىشىلەر گۈمبەدەكنى ئىممۇنىتېت كۈچىنى ئاشۇرىدىغان يېمەكلىك دەپ قارىغان. يېقىندا، تەتقىقاتچىلار بۇنىڭ سەۋەبىنى تەتقىق قىلىپ چىقتى، گۈمبەدەكنى كۆپ ئىستىمال قىلىپ بەرگەندە، ئاق قان ھۈجەيرىلىرىنىڭ پەيدا بولۇشى ۋە ھەركىتىنى ئىلگىرى سۈرۈپ، ئاق قان ھۈجەيرىسىنىڭ يۇقۇملىنىشقا قارشى ئىممۇنىتېت كۈچىنى تېخىمۇ كۈچەيتىدۇ. گۈمبەدەكتىن قورۇما ياكى شورپا قىلىشقا بولىدۇ. بىر قىسىم دائىم ئىستىمال قىلىدىغان گۈمبەدەكنى يەنە خالىغانچە گۆش بىلەن بىللە قورۇسا، توخۇ شورپىسى قىلسا، قورۇلغان گۆش قەلەمچىسى قىلسا بولىدۇ. دىققەت قىلىشقا تىگىشلىكى شۇكى، گۈمبەدەكنىڭ تەركىبىدە زىيانلىق ماددىلار بولۇشى مۇمكىن شۇڭا ئىستىمال قىلىشتىن بۇرۇن ئەڭ ياخشىسى قايناقسۇغا چىلاپ، زىيانلىق ماددىلارنى چىقىرىپ تاشلاش كېرەك.
بېلىق ۋە قۇلۇلە تۈرىدىكىلەر. بېلىق ۋە قۇلۇلە سېلىن تولۇقلاش ئارقىلىق بەدەننىڭ ۋىرۇسقا قارشى ئىممۇنىتېت كۈچىنى يۇقىرى كۆتۈرىدۇ. ئەنگىلىيە مۇتەخەسسىسلىرىنىڭ تەتقىقاتىدا كۆرسىتىلىشىچە، سېلېن مىقدارى يېتەرلىك بولغاندا، ئادەم بەدىنىدىكى ئىممۇنىتېتلىق ئاقسىل مىقدارىنى كۆپەيتىپ، بەدەندىكى تارقىلىشچان زۇكام ۋىرۇسىنى تازلاپ چىقىرىۋەتكىلى بولىدىكەن. سېلېن ئاساسلىقى ئوستېر قۇلۇلىسى، چوڭ راك، قىسقۇچپاقا ۋە سەدەپ قۇلۇلىسى قاتارلىق دېڭىز مەھسۇلاتلىرى تۈرىدىكى يېمەكلىكلەرنى كىلىش مەنبەسى قىلغان. بېلىق تۈرىدىكىلەر، مەسىلەن ئاتلانتىك ئوكيان سالمون بېلىقى ئىچىدىكى ئومىگا-3 قان سۇيۇقلۇقىنىڭ كۆپ مىقداردا تارقىلىشچان زۇكامغا قارشى ياردەم ھۈجەيرە ئىشلەپ چىقىرىشىغا پايدىلىق بۇلۇپ، ئادەم بەدىنىنىڭ ئىممۇنىتېت ئىقتىدارىنى ئۆستۈرۈشكە ياردىمى بار.
پىچەكگۇل. قىش كۈنلىرى پىچەكگۈلنى كۆپرەك يەپ بېرىش ئەرلەرنىڭ تەن سالامەتلىكىگە پايدىلىق، ئەلۋەتتە ئاياللارغا نىسبەتەنمۇ ياخشى. ئۇنىڭ ئۈستىگە پىچەكگۈلنىڭ تەركىبىدە نۇرغۇن ئادەم بەدىنى ئېھتىياجلىق بولغان ۋىتامىن ياكى مىنېرال ماددىلار بار بولۇپ، كۈزدە پىچەكگۈلنى كۆپرەك يەپ بەرسە قۇۋۋەت تولۇقلاش بىلەن بىر ۋاقىتتا، قىش پەسلىدە ئادەم بەدىنىنىڭ ئىممۇنىتېت ئىقتىدارىنى تېخىمۇ يۇقىرى كۆتۈرگىلى بولىدۇ. پىچەكگۇلنى قوي گۆشى بىلەن بىللە يىسە ئۈنۈمى تېخىمۇ ياخشى بولىدۇ.
كۈدە. كۈدە باھنى كۈچەيتىش رولىغا ئىگە بۇلۇپلا قالماستىن يەنە، تەركىبىدە نۇرغۇن ئوخشاش بولمىغان تۈردىكى ۋىتامىن بار بولۇپ، ئادەم بەدىنىگە پايدىسى خېلىلا كۆپ، ئۇنىڭ ئۈستىگە كۈدە ھەممە پەسىلدە يىيىشكە ماس كېلىدۇ. دائىم كۈدە يەپ بەرگەندە بىر قىسىم كېسەللىكلەرنىڭ، مەسىلەن، قان تومۇر قېتىشىش قاتارلىق كېسەللەرنىڭ ئالدىنى ئالغىلى بولىدۇ. شۇڭلاشقا قىش كۈنلىرى كۈدىنى كۆپ يەپ بەرسە ئۈنۈمى ياخشى بولىدۇ.
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەرھابا ئەبەت
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
