باش بەت قىلىڭ بەت ساقلاڭ ئالاقىلىشىڭ بىز
خەلق تورى>>كۆپ بەتلىك خەۋەرلەر

شىنجاڭ تىببىي ئۇنىۋېرسىتېتىدا كىيىم مودېللىرى مۇسابىقىسى ئۆتكۈزۈلدى(6)

2014.05.21 16:29   مەنبە: خەلق تورى

شىنجاڭ تىببىي ئۇنىۋېرسىتېتىدا كىيىم مودېللىرى مۇسابىقىسى ئۆتكۈزۈلدى(6)

  خەلق تورى ئۇيغۇرچە قانىلىنىڭ 20-ماي بېيجىڭدىن بەرگەن خەۋىرى: ئاپتونوم رايوننىڭ 32-قېتىملىق مىللەتلەر ئىتتىپاقلىقى ئېيىنى كۈتۈۋېلىش ئۈچۈن، شىنجاڭ تىببىي ئۇنىۋېرسىتېتى 2014-يىللىق پەن-تېخنىكا مەدەنىيەت-سەنئەت بايرىمىنىڭ يۈرۈشلۈك پائالىيەتلىرى ـــ «مىللىي ئۆرپ-ئادەت، ئەڭ گۈزەل شىنجاڭ» مىللىي ئۆرپ-ئادەت مەدەنىيەت بايرىمى 18-ماي چۈشتىن كېيىن، قاينام-تاشقىنلىق ئىچىدە ئېلىپ بېرىلدى. شىنجاڭ تىببىي ئۇنىۋېرسىتېتىدىكى ھەر مىللەت ئوقۇغۇچىلىرىنىڭ ياشلىق جاسارىتىنى تولۇق نامايان قىلىش ئۈچۈن، بۇ قېتىمقى پائالىيەت «مىللىي ئۆرپ-ئادەت مەدەنىيىتى تەشۋىقات كۆرگەزمىسى»، «ئاشپەزلىك مۇسابىقىسى» ۋە «ئەنئەنىۋىي مىللىي كىيىم-كېچەككە توغرا قاراش، زامانىۋىي مەدەنىيەتكە يېتەكلەش» تېمىسىدىكى كىيىم مودېللىرى مۇسابىقىسى قاتارلىق ئۈچ باسقۇچقا بۆلۈپ ئېلىپ بېرىلدى.

  بۇ قېتىمقى پائالىيەتنى مەكتەپ ئىتتىپاق كومىتېتى ئويۇشتۇرغان بولۇپ، ئاساسىي مېدىتسىنا ئىنىستىتۇتى، ئاممىۋىي سەھىيە ئىنىستىتۇتى ۋە ئۇيغۇر مېدىتسىنا ئىنىستىتۇتى بىرلىكتە ئۆتكۈزدى، باشئەگىم كىيىم-كېچەك شىركىتى كىيىملەر بىلەن تەمىنلىدى. لى بىن، خالمۇرات غوپۇر قاتارلىق مەكتەپ رەھبەرلىرى قاتناشتى، شىنجاڭ تېلېۋىزىيە ئىستانسىسى، شىنجاڭ مائارىپ تېلېۋىزىيە ئىستانسىسى، تەڭرىتاغ تورى، ئۈرۈمچى كەچلىك گېزىتى قاتارلىق تاراتقۇلار بۇ قېتىمقى پائالىيەتنى مەخسۇس خەۋەر قىلدى.

  «ئەنئەنىۋىي مىللىي كىيىم-كېچەككە توغرا قاراش، زامانىۋىي مەدەنىيەتكە يېتەكلەش» سىتۇدېنتلار كىيىم مودېللىرى مۇسابىقىسى

  مودېللار مۇسابىقىسى مەيدانىدا T سەھنىدىكى مودېللار شۈبھىسىزكى كىشىلەرنىڭ دىققەت نۇقتىسى بولۇپ قالدى. ئاق خالاتنى سېلىۋەتكەن ھەر مىللەت مېدىتسىنا ئوقۇغۇچىلىرى تۇرمۇشتىكى كىيىملەر، مودا ئېقىم كىيىملىرى ۋە زامانىۋىي مىللىي كىيىم قاتارلىق ئۈچ تۈردە كۆپچىلىككە نەپىس ۋە ئۆزگىچە زوق ئاتا قىلدى. زامانىۋىي مىللىي كىيىم لايىھەلەش ئۇستىسى نەق مەيداندا لايىھەلىگەن «ئەتلەس» توي كۆينىكى پائالىيەتنى يۇقىرى پەللىگە كۆتۈرۈپ، پائالىيەت قاتناشقۇچىلىرىنىڭ قىزغىن قارشى ئېلىشىغا ئېرىشتى.

  بۇ قېتىمقى پائالىيەت بۈگۈنكى زامان سىتۇدېنتلىرىنىڭ جۇشقۇن قىياپىتىنى نامايان قىلىپلا قالماي، يەنە سىتۇدېنتلارنىڭ دۆلىتىمىزدىكى ھەر مىللەت خەلقىنىڭ مىللىي ئۆرپ-ئادەت مەدەنىيىتىگە بولغان تونۇشى ۋە ياقتۇرۇشىنى ئەكىس ئەتتۈرۈپ، ئىناق ھەم گۈزەل مەكتەپ مەدەنىي تۇرمۇشى بەرپا قىلىپ، زامانىۋىي مىللىي كىيىم-كېچەك مەدەنىيىتىنى يېتەكلەشتە ئاكتىپ بولغان ئىلگىرى سۈرۈش رولىنى ئوينىدى.

  مەنبە: خەلق تورى ئۇيغۇرچە قانىلى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 【23】 【24】 【25】 【26】 【27】 【28】 【29】 【30】 
مەسئۇل مۇھەررىر : ئالىم راخمان

 سۈرەتلەر

  •  ئاڭلىغانمۇسىز

    •  تەۋسىيە

      ·2014-يىلى ئالىي مەكتەپنى پۈتتۈرگەن ئوقۇغۇچىلارنىڭ ئاساسىي قاتلامدا ئىشقا ئورۇنلىشىش توغرىسىدىكى ئېت…
      ·گوۋۇيۈەن مەجبۇرىيەت مائارىپىنى تەكشى تەرەققىي قىلدۇرۇش سىياسىتىنىڭ ئەمەلىيلىشىشىنى  مەخسۇس تەكشۈردى…
      ·مائارىپ مىنىستىرلىقى: ئالىي مەكتەپ ئىمتىھانى ئىسلاھات لايىھەسى تەتقىق قىلىنىش تۈزۈلۈش مۇكەممەللەشتۈ…
      ·مائارىپ مىنىستىرلىقى «ئىنگلىز تىلى ئالىي مەكتەپ ئىمتىھانىدىن چىقىرىلىدۇ»غا قارىتا، ئىسلاھات لايىھەس…
      ·تاجىكىستان سەنئەت ئۆمىكى بېيجىڭدا ئويۇن قويدى(1)
      ·قىرغىزىستان جۇمھۇرىيىتىنىڭ زۇڭتۇڭى ئالماسبېك ئاتامبايېف جۇڭگودا دۆلەت ئىشلىرى زىيارىتىدە بولىدۇ
      ·جايلار ئالىي مەكتەپ ئىمتىھانىدا نومۇر قوشۇش سىياسىتىنى چىڭىتتى، ئولىمپىك ماتېماتىكىسى ئۆگىنىش قىزغى…
      ·2014-يىلى ئادەتتىكى تولۇق ئوتتۇرا مەكتەپ دۆلەت ئوقۇش ياردەم پۇلىدىن تۆت مىليارد 630مىليون يۈەن ئاجر…
      ·جىلىندا ئۇنۋان تۈزۈمىنى كېڭەيتىش ئىسلاھاتى
      ·مائارىپ مىنىستىرلىكى: سوتسىيالىستىك يادرولۇق قىممەت قارىشىنى دەرسلىككە كىرگۈزۈش ئىلگىرى سۈرۈلىدۇ