«شىنجاڭنىڭ مەدەنىيەت بۇيۇملىرى ئۆزگىچە ئالاھىدىلىككە ئىگە ئىكەن، كەشتىلەنگەن سومكىلار، ئۈجمە قوۋزىقى قەغىزىدىن ياسالغان چىراغلارنى ناھايىتى ياخشى كۆرۈپ، دوستلۇرۇمغا سوۋغا قىلىش ئۈچۈن بىر قانچىنى سېتىۋالدىم.» 10- ئاينىڭ 28- كۈنى بېيجىڭ شەھەر ئاممىسىدىن تەن ۋېيلياڭ 13- نۆۋەتلىك جۇڭگو بېيجىڭ خەلقئارا مەدەنىيەت ئىجادىيەت مەھسۇلاتلىرى كۆرگەزمىسىنىڭ شىنجاڭ كۆرگەزمە رايونىدا مۇخبىرنىڭ زىيارىتىنى قوبۇل قىلىپ، يۇقارقىلارنى ئېيتتى.
شىنجاڭ «يافەندا» مەدەنىيەت مەھسۇلاتلىرى چەكلىك شىركىتىنىڭ قۇرغۇچىسى شيۇڭ گويوۋ مۇنداق دېدى: ئۇزۇندىن بېرى بىز غەيرىي ماددىي مەدەنىيەت بۇيۇملىرىنى تۇرمۇشىمىزغا سىڭدۈرۈش توغرىسىدا كۆپ ئويلىشىپ، ئۈزۈم قوۋزىقى قەغىزىدىن رەسىم جاھازىسى، خەتكۈچ، خاتىرە دەپتەر، ئۈستەل چىرىغى قاتارلىق مەھسۇلاتلارنى ئىشلەپچىقىرىپ كۆرگەزمىگە قاتناشتۇردۇق، مەھسۇلاتلىرىمىز تاماشىبىنلارنىڭ قىزغىن ئالقىشىغا ئېرىشتى.
13- نۆۋەتلىك جۇڭگو بېيجىڭ خەلقئارا مەدەنىيەت ئىجادىيەت مەھسۇلاتلىرى كۆرگەزمىسىنىڭ ئاساسىي كۆرگەزمە مەيدانى ئىچىدە، شىنجاڭنىڭ كۆپ خىل ئەنئەنىۋى مەدەنىيەتنى قېزىشتىن كېيىن قولغا كەلتۈرگەن ئىجادىي مەھسۇلاتلىرى نامايان قىلىنىپ، نۇرغۇن كۆرگەزمىچىلەرنى جەلپ قىلدى.
كۆرۈپ بېكىتكۈچى: موللانىياز تۇنىياز
مەنبە: خەلق تورى