خەلق تورى ئۇيغۇرچە قانىلىنىڭ 10-ئاۋغۇست بېيجىڭدىن بەرگەن تېلېگراممىسى: 8-ئاينىڭ 9-كۈنى، ئاپەتتىن قۇتقۇزۇش خادىملىرى خوۋما-يۆشەن تۆمۈريولى لىنىيەسى ئارچا تونېلىنىڭ ئۈستىدىكى قىيالىقتا مەشغۇلات ئېلىپ بارماقتا (ئۇچقۇچىسىز ئايرۇپىلاندا تارتىلغان).
كەلكۈن پەسلى باشلانغاندىن كېيىن، جۇڭگو تۆمۈريولى جېڭجۇ ئىدارىسى گۇرۇھى چەكلىك مەسئۇلىيەت شىركىتى يۆشەن ئۇچاستىكىسىدىكى ئىشچى-خىزمەتچىلەر خوۋما-يۆشەن تۆمۈريولى ئارچا تونىلى ئۈستىدىكى تاغ جىنسلىرى چۈشۈپ كېتىش ئەھۋالىنى بايقىدى. تۆمۈريولنىڭ بىخەتەر يۈرۈشىشىگە كاپالەتلىك قىلىش ئۈچۈن، يۆشەن ئۇچاستىكىسى دەرھال ئەترەت تەشكىللەپ، خەتەردىن قۇتقۇزۇش ئېلىپ باردى. بىر تەرەپ قىلىش زۆرۈر بولغان تاغ جىنسلىرى تاغنىڭ ئوتتۇرا قىسمىغا جايلاشقان بولغاچقا، قۇتقۇزغۇچى خادىملار تاغ چوققىسىدىن تىك تۆۋەنلەپ چۈشۈپ، خەتەرلىك تاغ جىنىسلىرىغا قارىتا «تاشقى ئوپېراتسىيە» ئېلىپ باردى. چوڭ تاغ تاشلىرىنى سېمونت قۇيۇپ ئېتىلدۇرۇش ئۇسۇلى بويىچە پارچىلىدى، كىچىك تاش پارچىلىرىنى ئادەم كۈچى ئارقىلىق ئۇرۇپ چاقتى.
خۇما-يۆشەن تۆمۈريولى بولسا ئېلىمىزنىڭ مۇھىم كۆمۈر توشۇش چوڭ ئۆتۈشمە يولى، يازلىق تىرانسپورت ئىشلىرى باشلانغاندىن بۇيان، ھەر كۈنى 97 جۈپ پويىز قاتنىدى، يۇقىرى پەللە مەزگىلىدە قاتنىغان پويىز 100 جۈپتىن ئاشىدۇ. تۆمۈريول تەيخاڭشەن تاغ تىزمىسىنى كېسىپ ئۆتىدۇ، لىنىيە بويىدىكى تاغ گەۋدىسىنىڭ كۆپىنچىسى ھاك تاش قۇرۇلمىسى بولۇپ، شامالدا يىمىرىلىشى ئېغىر.
شىنخۇا ئاگېنتلىقى مۇخبىرى لى نەن فوتوسى
كۆرۈپ بېكىتكۈچى: ياسىن قادىر
مەنبە: خەلق تورى