خەلق تورى ئۇيغۇرچە قانىلىنىڭ 30-ماي بېيجىڭدىن بەرگەن تېلېگراممىسى: غەربىي تاغ يېزىسى شىنجاڭ قۇمۇل ئىۋىرغول رايونىنىڭ بىر تاغلىق يېزىسى. بۇ جاينىڭ مۇھىتى گۈزەل، يولى راۋان، ياتاق ۋە تاماقلىرى قولايلىق بولغانلىقتىن، كىشىلەر ئارام ئالىدىغان، كۆڭۈل ئاچىدىغان ياخشى جاي بولۇپ قالدى.
باش يازنىڭ 5-ئېيىدا، شەھەر رايونىدىن يولغا چىقىپ، دۆلەت تاشيولىنى بويلاپ غەربكە قاراپ نەچچە كىلومېتىر يۈرۈپ، غەربىي تاغ يېزىسىغا بارىدىغان يول ئېغىزىغا يېتىپ كەلگەندە، يوغان يول بەلگىسى ئوڭغا بۇرۇلۇشنى كۆرسىتىپ تۇرىدۇ، ئاندىن قوش يۆنىلىشلىك ئاسفالت يول تاكى تاغ باغرىدىكى مەنزىلگاھقىچە ئۇدۇل تۇتىشىدۇ.
غەربىي تاغ يېزىسىغا بارغۇچە، يولنىڭ ئىككى تەرىپىدىكى مەنزىرىگە ھەرگىز سەل قاراشقا بولمايدۇ. يولنىڭ ئىككى تەرىپىدىكى چۆللۈك ۋە يايلاق تۆگىلەرنىڭ مەززىلىك ئوت-چۆپ دۇنياسى، يولدا كېتىۋاتقاندا تاسادىپىي توپ-توپى بىلەن ئوتلاۋاتقان تۆگىلەرنى ئۇچراتقىلى بولىدۇ، يول سەپىرىڭىز ئويلىغىنىڭىزدەك زېرىكىشلىك ئەمەس، تەلىيىڭىز ياخشى بولسا، سىز يەنە بۈركۈتنىڭ توشقان ياكى يىلان تۇتقىنىدەك ھەيۋەتلىك مەنزىرىنى تاماشا قىلالايسىز.
كۆرۈپ بېكىتكۈچى: ياسىن قادىر
مەنبە: خەلق تورى