شىنجاڭ توقسۇن ناھىيەسىدە ئۆرۈكلەر پىشىپ، بازارغا سېلىندى

2018.05.14 16:05   مەنبە: خەلق تورى

　　خەلق تورى ئۇيغۇرچە قانىلىنىڭ 14-ماي بېيجىڭدىن بەرگەن تېلېگراممىسى: بىر قېتىملىق چوڭ بوراندىن كېيىن، 5-ئاينىڭ 8-كۈنى، شىنجاڭ توقسۇن ناھىيەسىنىڭ ھاۋا تېمپېراتۇرىسى ئىللىدى، ئۆرۈكلەرمۇ پىشىش مەزگىلىگە كىردى ۋە بارا-بارا بازارغا سېلىندى.

　　توقسۇن ناھىيەسىنىڭ شا يېزىسى تېتىر كەنتىدىكى دېھقان جوۋ جېنفېڭنىڭ بېغىدا، قىزىل ۋە سېرىق رەڭلىك ئۆرۈكلەر شاخ-شېخىنى كۆتۈرەلمەي قالغانىدى، ئۆرۈكلۈك باغدىن بىر خىل خۇشپۇراق ئۆرۈك ھىدى كېلەتتى، جوۋ فېڭ ۋە ئۇنىڭ ئائىلىسىدىكىلەر پىشقان ئۆرۈكلەرنى ئۈزۈش بىلەن ئالدىراش ئىدى.

　　جوۋ جېنفېڭ مۇنداق دېدى: مەن بۇرۇن ئەسلىدە كېۋەز تېرىيتىم، پاختا يىغىش مەزگىلى بىر قەدەر ئۇزاق، كىرىدىغان كىرىممۇ يۇقىرى ئەمەس ئىدى. كېيىنچە ناھىيەدە بارغانچە كۆپ كىشىلەرنىڭ ئۆرۈكلۈك باغ قىلىپ پۇل تاپقانلىقىنى كۆرۈپ، مەنمۇ 2013-يىلىدىن باشلاپ ئۆرۈك كۆچىتى قويدۇم، بېشىدىكى بىر قانچە يىلدا، ئۆرۈكنىڭ مەھسۇلات مىقدارىمۇ يۇقىرى بولمىدى، ئۇنىڭ ئۈستىگە ھەممىسى بىرلا مەزگىلدە پىشقاچقا، سېتىلىش باھاسىمۇ يۇقىرى بولمىدى. بىر قېتىملىق تاسادىپىي پۇرسەتتە، مەن توقسۇن ناھىيەسىنىڭ بوستان يېزىسىدا بەزى كىشىلەرنىڭ «فېڭ يۈەن خۇڭ» سورتىدىكى ئۆرۈك كۆچىتىنى قويغانلىقىنى كۆردۈم، بۇ خىل ئۆرۈك ئەتلىك، تالاسى نورمال، سۇلۇق بولۇپ، بالدۇر پىشىدىغان ئۆرۈك سورتى ئىكەن. بۇ سورتتىكى ئۆرۈك شۇ جايدىكى باشقا ئۆرۈكلەرگە قارىغاندا، يەنە بىر ھەپتىدىن ئارتۇقراق ئىلگىرى پىشىدىكەن، شۇنىڭ بىلەن مەن بۇ خىل ئۆرۈك نوتىسىنى ئۆزۈمنىڭ ئۆرۈكلىرىگە ئۇلاپ يېتىشتۈردۈم. بۇلتۇردىن باشلاپ ئۆرۈكتىن مول ھوسۇل ئالدىم. ھەر مو ئۆرۈكلۈكتىن 2000 يۈەن ئۆپچۈرىسىدە كىرىم قىلىشنى مۆلچەرلاۋاتىمەن، كېلەر يىلى مېۋىلەش نىسبىتىنىڭ ئېشىشىغا ئەگىشىپ، ھەر موسىدىن كىرىدىغان كىرىم 5000 يۈەندىن 6000 يۈەنگىچە بولۇشى مۇمكىن.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ