10-يانۋار، باغراش ناھىيەسى تابانجۆكىن يېزىسى كۆكمودۇن كەنتى 3-مەھەللىسىدىكى دېھقان قۇربان ھەسەن باغراش ناھىيەسى لوشياۋەن قومۇشزارلىقىدا كومبايىن بىلەن قومۇش ئورۇماقتا.
خەلق تورى ئۇيغۇرچە قانىلىنىڭ 15-يانۋار بېيجىڭدىن بەرگەن تېلېگراممىسى: 2018-يىلى 1-ئاينىڭ 10-كۈنى، باغراش ناھىيەسى تابانجۆكىن يېزىسى كۆكمودۇن كەنتى 3-مەللىسىدە ئولتۇرۇشلۇق دېھقان قۇربان ھەسەن باغراش ناھىيەسى لوشياۋەن قومۇشزارلىقىدا كومبايىن بىلەن قومۇش ئورۇماقتا.نۆۋەتتە، باغراش كۆلىدىكى 600 مىڭ مو قومۇشزارلىقتا قومۇش ئورۇش داۋاملاشماقتا، توڭلاپ مۇز تۇتۇپ كەتكەن كۆلنىڭ ئۈستىدە شۇ يەرلىك كىشىلەر قىشتىكى بىكار ۋاقىتتىن پايدىلىنىپ قومۇش ئورۇپ، كىرىمىنى ئاشۇرۇۋاتىدۇ. بىر ئادەمنىڭ قومۇش ئورۇپ كۈندىلىك تاپىدىغان ئىش ھەققى 200 يۈەندىن 400 يۈەنگىچە بولۇپ، بۇ شۇ يەرلىك كىشىلەرنىڭ ئىش تېپىپ ئىشلەپ، پۇل تېپىش قىزغىنلىقىنى ئاشۇردى. قومۇش ئورۇش ئىشى 2-ئاينىڭ ئوتتۇرىلىرىغىچە داۋاملىشىدۇ.
باغراش كۆلى مەملىكىتىمىز بويىچە ئەڭ چوڭ ئىچكى قۇرۇقلۇق تاتلىق سۇ كۆلى بولۇپ، كۆلىمى 1646 كىۋادرات كىلومېتىر كېلىدۇ، كۆلدە كۆلىمى 600 مىڭ مودىن ئاشىدىغان قومۇشزارلىق بولۇپ، دۆلىتىمىزدىكى تۆت چوڭ قومۇشزارلىقنىڭ بىرى. قومۇش زور ئىقتىسادىي ئۈنۈم ئېلىپ كەلگەندىن باشقا، يەنە زور ئېكولوگىيەلىك ئۈنۈمگە ئىگە، ئۇنىڭ كۆل سۈيىنى تاتلىقلاشتۇرۇش، ئېكولوگىيەلىك تەڭپۇڭلۇقنى ساقلاش، كىلىماتنى تەڭشەشتە ئالاھىدە رولى بار.
كۆرۈپ بېكىتكۈچى: ياسىن قادىر
مەنبە: خەلق تورى