خەلق تورى ئۇيغۇرچە قانىلىنىڭ 8- سېنتەبىر بېيجىڭدىن بەرگەن تېلېگراممىسى: 2017 ـ يىللىق جۇڭگو-ئەرەب دۆلەتلىرى كۆرگەزمىسى 9- ياينىڭ 6- كۈنىدىن 9- كۈنىگىچە يىنچۈەندە ئۆتكۈزۈلدى. 2017 ـ يىللىق جۇڭگو-ئەرەب دۆلەتلىرى كۆرگەزمىسىنىڭ 10 تۈرلۈك كۆرگەزمە پائالىيىتى ئۆتكۈزۈلدى.
بۇ قېتىمقى كۆرگەزمە قىلىش پائالىيىتىدە ئاساسلىقى تۆۋەندىكىدەك 10 چوڭ كۆرگەزمە رايونى تەسىس قىلىندى: ئۇلار ئايرىم-ئايرىم ھالدا، ئاساسلىق مېھمان دۆلەت مىسىرنىڭ ئۇنىۋېرسال كۆرگەزمىسى، ئاساسىي تېما ئۆلكە (فۇجيەن)نىڭ داڭلىق ئۆزگىچە تاۋار كۆرگەزمىسى، خەلقئارالىق ئۇنىۋېرسال كۆرگەزمە، جۇڭگو يۇقىرى سۈرئەتلىك تۆمۈر يول تېخنىكىسى مۇۋەپپەقىيەتلىرى مەخسۇس تېما كۆرگەزمىسى، ئۇل ئەسلىھە، ئىشلەپچىقىرىش ئىقتىدارى ئۇنىۋېرسال كۆرگەزمىسى، يۇقىرى ۋە يېڭى تېخنىكا، جابدۇق كۆرگەزمىسى، جۇڭگو ماركىلىق ئاپتوموبىل كۆرگەزمىسى، بۇلۇت ھېسابلاش، چوڭ سانلىق مەلۇمات ئەمەلىي كۆرگەزمىسى، 2017- يىللىق جۇڭگو - ئەرەب دۆلەتلىرى ئۆزگىچە تاۋارلار ئىقتىساد-سودا پائالىيىتى كۆرگەزمىسى ۋە 2017- يىللىق جۇڭگو- ئەرەب دۆلەتلىرى زامانىۋى يېزا ئىگىلىكى كۆرگەزمىسى قاتارلىقلاردىن ئىبارەت بولۇپ، بۇنىڭ ئىچىدە، 2017- يىللىق جۇڭگو-ئەرەب دۆلەتلىرى زامانىۋى يېزا ئىگىلىكى كۆرگەزمىسى نىڭشيا باغۋەنچىلىك كۆرگەزمە باغچىسىدا كۆرگەزمە قىلىنىدۇ.
ئىگىلىنىشىچە، بۇ نۆۋەتلىك كۆرگەزمە پائالىيىتىدە، كەسپىي تاماشىبىنلار كۈنى ۋە جەمئىيەتتىكى ئاممىغا ئېچىۋېتىش كۈنى قاتارلىق كۈنلەر تەسىس قىلىنغان. كەسپىي تاماشىبىنلار كۈنىنىڭ ئېكسكۇرسىيە ۋاقتى 9- ئاينىڭ 6- كۈنىدىن 7- كۈنىگىچە سائەت 9دىن 17:30غىچە، جەمئىيەتتىكى ئاممىغا ئېچىۋېتىش كۈنىنىڭ ئېكسكۇرسىيە ۋاقتى 9- ئاينىڭ 8- كۈنىدىن 9- كۈنىگىچە سائەت 9دىن 17:30غىچە بولىدىكەن.
كۆرۈپ بېكىتكۈچى: موللانىياز تۇنىياز
مەنبە: خەلق تورى