خەلق تورى ئۇيغۇرچە قانىلىنىڭ 22- ئاۋغۇست بېيجىڭدىن بەرگەن تېلېگراممىسى: گـۇلاڭيۈ ئارىلى جۇڭگونىڭ شەرقىي جەنۇب دېڭىز بويىدىكى كىچىك ئارال بولۇپ، ئىلگىرى باش شۇجى شى جىنپىڭ يۈكسەك ئەھمىيەت بەرگەن ئىدى. بىر ئەسىردىن كۆپرەك ۋاقىتتىن بۇيان، جۇڭخۇا ئەنئەنىۋى مەدەنىيىتى، جۇڭگو مۇھاجىرلىرى مەدەنىيىتى ۋە غەرب مەدەنىيىتى بۇ يەردە ئۇچرىشىپ بىرىكىپ، «خەلقئارا مەھەللە» بارلىققا كەلدى. 30 نەچچە يىل ئىلگىرى، شۇ چاغدا شيامېن شەھەرلىك پارتكوم دائىمىي كومىتېتىنىڭ ئەزاسى، مۇئاۋىن شەھەر باشلىقى بولغان يولداش شى جىنپىڭ بۇ يەرگە كېلىپ، «1985-يىلىدىن 2000-يىلىغىچە شيامېننىڭ ئىقتىسادىي ۋە ئىجتىمائىي تەرەققىيات ئىستراتېگىيەسى»نى تۈزۈشكە رىياسەتچىلىق قىلىپ، گۇلاڭيۈنى ئىلمىي قوغداش يېڭى سەھىپىسىنى ئاچتى.
بۈگۈنكى كۈندە، ئاللىقاچان «دۇنيا مەدەنىيەت مىراسلىرى» دېگەن نامغا ئېرىشكەن گۇلاڭيۈ ئارىلى خۇددى گۆھەر كەبى دەۋرنىڭ ئالغا ئىلگىرىلىشىنىڭ رەڭدارلىقىنى ئەكس ئەتتۈرۈپ، پارلاق مەدەنىيەت نۇرى تارقاتماقتا. گۇلاڭيۈ ئارىلى دولقۇنىغا قۇلاق سالغىنىمىزدا، ئېرىشكىنىمىز بىر بۆلەك تەسىرلىك ھېكايە بولۇپلا قالماستىن، يەنە تارىخىي مەدەنىيەتكە ۋارىسلىق قىلىپ، مەدەنىيەت ئىشەنچىنى ئويغىتىدىغان ۋەھىينامەدۇر.
كۆرۈپ بېكىتكۈچى: ياسىن قادىر
مەنبە: خەلق تورى