خەلق تورى ئۇيغۇرچە قانىلىنىڭ 2- ئاۋغۇست بېيجىڭدىن بەرگەن تېلېگراممىسى: — «پۇتۇڭنى ھەرىكەتلەندۈر! ئېغىرلىق مەركىزىڭنى كونترول قىل! ئارىلىق ساقلا...»
بوكس سۇپىسى يېنىدىكى ئابدۇشۈكۈر مىجىت مەشىق قىلىۋاتقان شاگىرتلىرىغا توختىماستىن يۇقىرى ئاۋازدا توۋلايتتى، بۆرتۈپ چىققان بىلەك مۇسكۇللىرى ئۇنىڭ بوكسچىلىق دەۋرىدىكى قىياپىتىنى نامايان قىلاتتى.
46 ياشلىق ئابدۇشۈكۈر مىجىت شىنجاڭ بوكس كوماندىسىنىڭ باش تىرېنېرى بولۇپ، ئۇنىڭغا نىسبەتەن ئېيتقاندا، ھازىر ئەڭ مۇھىمى يېپىق مەشىق ئارقىلىق تيەنجىنگە بېرىپ مۇسابىقىگە قاتنىشىدىغان 14 ماھىرنىڭ ئەڭ ياخشى ھالەتنى ساقلىشىغا كاپالەتلىك قىلىپ، 13-نۆۋەتلىك مەملىكەتلىك تەنھەرىكەت مۇسابىقىسىنىڭ بوكس مۇسابىقە سۇپىسىدا «شىنجاڭ قىياپىتى»نى نامايان قىلدۇرۇش بولۇپ، بۇ ئۆزگىچە قىياپەت دەل ئۇنىڭ بوكسچىلىق دەۋرىدىن باشلانغان.
شىنجاڭ بوكس كوماندىسى قۇرۇلغاندىن كېيىنكى تۇنجى تۈركۈم بوكسچىلار ئىچىدە ئابدۇشۈكۈرنىڭ مۇسابىقە نەتىجىسى كۆزگە كۆرۈنەرلىك بولدى. 1994-يىلىدىن 2001- يىلىغىچە، ئابدۇشۈكۈر ئۆزىنىڭ يۆتكىلىشى جانلىق، مۇشت ئېتىشى تېز بولۇشتەك ئالاھىدىلىكى بىلەن شىنجاڭ كوماندىسىغا ۋەكىل بولۇپ، يەتتە قېتىم مەملىكەتلىك بوكس مۇسابىقىسىدە چېمپيون بولۇپ، دۆلەت ئىچىدىكى بوكس ساھەسىدە «غەربىي شىمال شامىلى» پايدا قىلدى.
لېكىن «بوكس شاھى»نى تەرىپلەيدىغان كىشىلەر: ئەگەر ئۇستاز تىرېنېر جېڭ خوڭئېن ئابدۇشۈكۈرنىڭ ئۆيىگە يەتتە قېتىم بېرىپ ئۇنى تەكلىپ قىلمىغان بولسا، ئابدۇشۈكۈرنىڭ بوكسچىلىق يولىغا قەدەم قويۇشى بولمىغان بولاتتى، دېيىشىدۇ.
سۈرەتتە: ئۈرۈمچى شەھىرىدىكى شىنجاڭ تەنتەربىيە ئىدارىسى بوكس ھەرىكىتىنى باشقۇرۇش مەركىزىنىڭ مەشىق سارىيىدا، ئابدۇشۈكۈر بوكس سەھنىسىدە ئەزالارنى مەشىق قىلدۇرماقتا (2017- يىلى 6-ئاينىڭ 16-كۈنى تارتىلغان سۈرەت).
كۆرۈپ بېكىتكۈچى: ياسىن قادىر
مەنبە: خەلق تورى