5-نۆۋەتلىك جۇڭگو شىنجاڭ خەلقئارا مىللىيچە ئۇسسۇل بايرىمى __

دۇنياغا داڭلىق بالېت ئارتىسى ئۈرۈمچىدە كىشىلەرگە دۇنيا بويىچە ئورۇنداش ئەڭ تەس بولغان ئۇسسۇللۇق تىياتىرنى تەقدىم ئەتتى(1)

2017.07.31 15:36   مەنبە: خەلق تورى

　　خەلق تورى ئۇيغۇرچە قانىلىنىڭ 31-ئىيۇل بېيجىڭدىن بەرگەن تېلېگراممىسى: 30-ئىيۇل كەچتە، ئۇكرائىنا خاركوۋ دۆلەتلىك ئوپېرا ۋە بالېت تىياتىر ئۆمىكى 5-نۆۋەتلىك جۇڭگو شىنجاڭ خەلقئارا مىللىيچە ئۇسسۇل بايرىمىدىكى ئەڭ نادىر نومۇرلارنىڭ بىرى بولغان تارىخىي بالېت «ئاققۇ كۆلى»دىنمۇ ئۇزۇن بولغان، بالېت ساھەسىدىكى ئەڭ تەس ئۇسسۇللۇق تىياتىر «ئۇسسۇلچى ئايال»نى تاماشىبىنلارغا تەقدىم ئەتتى.

　　بۇ قېتىمقى ئۇسسۇللۇق تىياتىردا ئۇكرائىنا خاركوۋ دۆلەتلىك ئوپىرا ۋە بالېت تىياتىر ئۆمىكى دۇنيا بويىچە ئالتە چوڭ داڭلىق بالېت ئۆمىكىنىڭ بىرى بولغان سانكت مارىنىسكىي بالېت ئۆمىكىنىڭ باش ئەر بالېت ئاكتيورى دانىللا كورسۇنتسېۋ ۋە موسكىۋا چوڭ تىياتىرخانىسى بالېت ئۆمىكىنىڭ باش ئايال بالېت ئاكتيورى مارىيا ئارىسانى تەكلىپ قىلىپ نومۇر ئورۇندىدى.

　　«ئۇسسۇلچى ئايال» ھىندىستاننىڭ داڭلىق شېئىرىي دىراممىسى «شاۋخۇنتالا»نى سىنارىيىلەشتۈرۈش ئاساسىدا ئىشلەنگەن بولۇپ، قەدىمكى ھىندىستاندا يۈز بەرگەن بىر تىراگىدىيە ھېكايىسى تەسۋىرلەنگەن. ياساۋۇل سورو تەڭرى ئىبادەتخانىسى ئىچىدىكى مۇقەددەس ئوت ياققۇچى ئۇسسۇلچى ئايال نىجىيانى ياخشى كۆرۈپ قالىدۇ، لېكىن ياساۋۇل بىلەن مەلىكە گەنجادىغا بۇرۇنلا چاي ئىچۈرۈلۈپ قويۇلغان بولۇپ، بولغۇسى ئېرىنىڭ ئۇسسۇلچى ئايال بىلەن بولغان شەخسىي ھېسياتىنى ئۇقۇپ قالغان مەلىكە ئۇسسۇلچى ئايالنى زەھەرلەپ ئۆلتۈرىدۇ. قايغۇ-ھەسرەتكە تولغان ياساۋۇل ئۇخلاپ، چۈشىدە بىر روھلار پادىشاھلىقىغا بارىدۇ، ئۇ يەردە ئاق لىباس كىيگەن روھلارنىڭ ئۇزۇن رەت بولۇپ تۇرغانلىقىنى، ئۇ رەتتە ئۇسسۇلچى ئايالنىڭ روھىنىڭمۇ تۇرغانلىقىنى كۆرىدۇ ۋە ئۇنىڭ روھىنىڭ ئارقىسىدىن قوغلاپ كېتىدۇ.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ