خەلق تورى ئۇيغۇرچە قانىلىنىڭ 21-ئىيۇن بېيجىڭدىن بەرگەن تېلېگراممىسى: 18-ئىيۇن، يۇقىرى بوشلۇقتىن سۈرەتكە تارتىلغان شىنجاڭ قاراشەھەر ناھىيەسىنىڭ سېغىنىش كۆلى مەنزىرىسى خۇددى رەسىملەردىكىدەك گۈزەل كۆرۈنىدۇ. ياز كىرگەندىن بۇيان، سېغىنىش كۆلىدىكى ياپيېشىل قومۇشلۇقلار، كۆپكۆك كۆل سۈيى، ئەركىن پەرۋاز قىلىۋاتقان دېڭىز قۇشلىرى، سۇدا ئۈزۈپ يۈرگەن بېلىق ۋە راكلار ئۆزئارا تېخىمۇ ھۆسىن قوشۇپ، بىر پارچە تەبىئىي سىزما رەسىمنى ۋۇجۇدقا كەلتۈرۈپ، شىنجاڭ ئىچى ۋە سىرتىدىكى ساياھەتچىلەرنىڭ ساياھەت قىلىدىغان ۋە ئىسسىقتىن ساقلىنىشتىكى ئەڭ ياخشى مەنزىلگاھلىرىنىڭ بىرى بولۇپ قالدى.
سېغىنىش كۆلى قاراشەھەر ناھىيە بازىرىنىڭ جەنۇبىغا 20 كىلومېتىر كېلىدىغان دەنزىل بازىرىدا بولۇپ، 314-دۆلەت تاشيولى ۋە 325-ئۆلكە تاشيولى كۆلنىڭ يېنىدىن ئۆتىدۇ. 25 يىلنىڭ ئالدىدا، بۇ يەر تەبىئىي، تېيىز سۇلۇق سازلىق ئىدى، قاراشەھەر ناھىيەسى قايدۇ دەرياسىنىڭ سۈيىگە ئوخشاش سۈپەتلىك سۇ قويۇپ بېرىش ئارقىلىق، سېغىنىش كۆلىنىڭ ئېكولوگىيەسىنى زور كۆلەمدە ياخشىلىدى، كۆلىمىمۇ ئەسلىدىكى 1000 موغا يەتمەيدىغان ھالەتتىن ھازىرقى 15 مىڭ 800 موغا يەتتى. ئومۇميۈزلۈك ئېچىش ۋە قۇرۇش ئارقىلىق، نۆۋەتتە سەيلى ساياھەت قىلىش، قومۇش، سۇ مەھسۇلاتلىرى باقمىچىلىقى، ياۋا قۇشلارنى كۆپەيتىش، كېڭەيتىش سىناق مەشىقى بىر گەۋدە قىلىنغان ئۇنىۋېرسال دۆلەت دەرىجىلىك ئېكولوگىيەلىك مەنزىرە رايونىغا ئايلاندى.
كۆرۈپ بېكىتكۈچى؛ ياسىن قادىر
مەنبە: خەلق تورى