خەلق تورى ئۇيغۇرچە قانىلىنىڭ 31-ماي بېيجىڭدىن بەرگەن تېلېگراممىسى: 30-ماي، جۇڭگو شىنجاڭ 11-نۆۋەتلىك سايرام كۆلىنى ۋېلىسىپىتلىك ئايلىنىش مۇسابىقىسىنىڭ بىرىنچى بۆلىكى بۆرتالا موڭغۇل ئاپتونوم ئوبلاستىنىڭ ئارىشاڭ ناھىيەسىدىن باشلاندى، دۆلەت ئىچى ۋە سىرتىدىن كەلگەن 31 كوماندىدىكى 171 ماھىر بۆرتالادا «سۈرئەت ۋە ھېسىيات» فىلىمىنىڭ ئەمەلىي نۇسخىسىنى ئورۇندىدى.
ماھىرلار شۇ كۈنى چۈشتىن بۇرۇن سائەت 10دا ئارىشاڭ ناھىيەسىدىن يولغا چىقتى، بىرىنچى بۆلەك مۇسابىقىنىڭ ئاخىرلىشىش نۇقتىسى سايرام كۆلىدىكى سەنتەي يايلىقى بولۇپ، ئومۇمىي مۇساپە 76 كىلومېتىر، ئەڭ تۆۋەن نۇقتىسى دېڭىز يۈزىدىن 1160 مېتىر ئېگىزلىكتە، ئەڭ ئېگىز نۇقتىسى دېڭىز يۈزىدىن 2124 مېتىر ئېگىزلىكتە، ئەگرى-بۈگرى تاغ يولى شەكلىگە ئىگە. كەسكىن رىقابەتلىشىش ئارقىلىق، ئاخىرىدا جۇڭگو RTS مەي تېڭ كوماندىسىدىن تۇلخانگاي تۇغۇلدۇر(Tuulkhangai Tuguldur)مۇشۇ مۇسابىقە بۆلىكىنىڭ 1-لىكىگە ئېرىشتى ۋە باشلامچى سېرىق مايكا ۋە ئاتاكىغا ئۆتكۈچى يېشىل مايكىنى كىيدى. شىنجاڭ جەنۇبىي جۇڭگو مەبلەغچىلىكى كوماندىسىدىكى باسانكۇ (Baasankhuu• Myagarsuren) 2-لىككە، ياتاچى گاۋشىتى سەرخىللار كوماندىسىدىكى شۈ جىنلىڭ 3-لىككە ئېرىشتى.
كۆرۈپ بېكىتكۈچى: ياسىن قادىر
مەنبە: خەلق تورى