2017-يىللىق جۇڭگو تېكەس 5-نۆۋەتلىك «تەڭرىتاغ مەدەنىيەت-ساياھەت پەسلى» پائالىيىتى باشلاندى

2017.05.31 15:06   مەنبە: خەلق تورى

　　خەلق تورى ئۇيغۇرچە قانىلىنىڭ 31-ماي بېيجىڭدىن بەرگەن تېلېگراممىسى: 28-ماي چۈشتىن بۇرۇن، 2017-يىللىق جۇڭگو تېكەس 5-نۆۋەتلىك «تەڭرىتاغ مەدەنىيەت-ساياھەت پەسلى» پائالىيىتى ۋە جۇڭگو تېكەس 6-نۆۋەتلىك دۆلەت ئىلمى. پالنامە خەلقئارا ئالماشتۇرۇش يىغىنى، جۇڭگو تېكەس 6-نۆۋەتلىك خەلقئارا فوتو سۈرەت بايرىمىنىڭ ئېچىلىش مۇراسىمى تېكەس مەدەنىيەت-تەنتەربىيە كۆڭۈل ئېچىش مەيدانىدا ئۆتكۈزۈلدى.

　　ئېچىلىش مۇراسىمىدا، دۆلەت ئىچى- سىرتىدىن كەلگەن 1000دىن ئارتۇق ساياھەتچى «100 جۈپ كۆز، بىر يۈرەك- شىنجاڭدىكى 100 كىچىك فوتوگرافنى يېتىشتۈرۈش پىلانى»نىڭ قوزغىتىش مۇراسىمى ۋە فوتو سۈرەت ئىجادىيەت بازىسىنىڭ ۋىۋىسكا ئېسىش مۇراسىمىغا شاھىت بولدى.

　　ئاۋۋالقى يىللاردىكىگە ئوخشىمايدىغىنى شۇكى، بۇ يىلقى «تەڭرىتاغ مەدەنىيەت-ساياھەت پەسلى» يۈرۈشلۈك پائالىيەتلىرى 5-ئاينىڭ ئاخىرىدا باشلىنىپ، 8-ئاينىڭ 13-كۈنىگىچە داۋاملىشىدۇ. شۇنىڭغىچە خەلقئارا فوتو سۈرەت كۆرگەزمىسى، پالنامە مەدەنىيەت ئالماشتۇرۇش يىغىنى، دۆلەت ئىلمى دەرسخانىسى، دۆلەت ئىچى ۋە سىرتى ماي بوياق رەسىم كۆرگەزمىسى، ئاز سانلىق مىللەتلەر ئۆرپ-ئادىتى يىغىنى، 10 مىڭ كىشىلىك تەيجى گۇمپىسىدا ماھارەت كۆرسىتىش قاتارلىق پائالىيەتلەر ئۆتكۈزۈلىدۇ.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ