خەلق تورى ئۇيغۇرچە قانىلىنىڭ 17-ماي بېيجىڭدىن بەرگەن تېلېگراممىسى: 15-ماي، گېرمانىيە زۇڭلىسى مېركىل (سول تەرەپتە) بېرلىن زۇڭلى مەھكىمىسىدە فىرانسىيە زۇڭتۇڭى ماكرون بىلەن كۆرۈشتى. گېرمانىيە زۇڭلىسى مېركىل 15-ماي بېرلىندا، فىرانسىيە زۇڭتۇڭى ماكرون بىلەن ئىككى دۆلەت مۇناسىۋىتى، ياۋروپا ئىتتىپاقىنىڭ كەلگۈسى تەرەققىياتى قاتارلىق مەسىلىلەر ئۈستىدە سۆھبەتلەشتى. سۆھبەتتىن كېيىن، ئىككى تەرەپ ياۋروپا ئىتتىپاقىنىڭ ئوتتۇرا، ئۇزاق مەزگىللىك تەرەققىيات ئىسخېمىسىنى تۈزىدىغانلىقىنى ھەمدە ياۋروپا ئىتتىپاقىنىڭ ئىسلاھاتىنى ئىلگىرى سۈرۈش ئۈچۈن، ھازىر يولغا قويۇلۇۋاتقان ياۋروپا ئىتتىپاقى شەرتنامىسىدە بۆسۈش ھاسىل قىلىشنى خالايدىغانلىقلىرىنى بىلدۈرۈشتى.
كۆرۈپ بېكىتكۈچى: ياسىن قادىر
مەنبە: خەلق تورى