خەلق تورى ئۇيغۇرچە قانىلىنىڭ 9-ماي بېيجىڭدىن بەرگەن تېلېگراممىسى: 7-ماي، بىر مەزگىللىك يامغۇر تېخى ئىسسىپ كېتەلمەي تۇرغان شىمالىي شىنجاڭ رايونىنى تېخىمۇ سالقىنلاشتۇرۇۋەتتى، بىراق، بۇ مەزگىللىك يامغۇر ھاۋا تېمپېراتورىسىنىڭ ئۆرلىشىنى توسۇپ قالالمىدى.
بۇ ھەپتىدە ئاپتونوم رايونىمىزنىڭ كۆپ قىسىم جايلىرىدا ھاۋا ئوچۇق بولۇپ، تېمپېراتورا يۇقىرى ئۆرلەيدۇ. مەركىزىي شەھەر ئۈرۈمچىدە، بۇ ھەپتىدە ئەڭ يۇقىرى تېمپېراتورا 30 سېلسىيە گىرادۇسقا چىقىشى مۇمكىن.
ياز كىرگەندىن بۇيان، شىمالىي شىنجاڭ رايونىدا تېمپېراتورا كۆرۈنەرلىك ئۆرلەپ، باش يازنىڭ تۇيغۇسىنى ھېس قىلدۇردى. بىراق بۇ ئىككى پەسىل ئالمىشىۋاتقان مەزگىلدە، يامغۇرمۇ ئاندا-مۇندا يېغىپ، ئۆزىنىڭ مەۋجۇتلۇقىنى كۆرسىتىپ تۇردى. مۇخبىرنىڭ ئاپتونوم رايونلۇق مېتېئورولوگىيە ئىدارىسىدىن ئىگىلىشىچە، 7-ماي كېچىدىن باشلاپ، شىمالىي شىنجاڭنىڭ بىر قىسىم جايلىرىدا يەنە يامغۇرلۇق ھاۋا رايى كۆرۈلگەن، مۆلچەرلىنىشىچە. 8-مايدىن 9-مايغىچە، شىمالىي شىنجاڭنىڭ تەڭرىتاغ ئېتىكىدە، تەڭرىتاغ تاغلىق رايونلىرىدا، قۇمۇلنىڭ شىمالىي، ئىلى دەريا ۋادىسى، جەنۇبىي شىنجاڭنىڭ غەربىدىكى تاغلىق رايونلاردا ئاز مىقداردا يامغۇر ياغىدىكەن.
بىراق بۇ مەزگىللىك يامغۇر تېز كېلىپ، تېز كېتىدىكەن، يامغۇرلۇق ھاۋارايى ئاخىرلاشقاندىن كېيىن، شىمالىي شىنجاڭ رايونىدا ھاۋا تېز سۈرئەتتە ئىسسىيدىكەن.
كۆرۈپ بېكىتكۈچى: ياسىن قادىر
مەنبە: خەلق تورى