خەلق تورى ئۇيغۇرچە قانىلىنىڭ 17-ئاپرىل بېيجىڭدىن بەرگەن تېلېگراممىسى: 15-ئاپرىل، دۆلەت ساياھەت ئىدارىسى، شىنجاڭ ئۇيغۇر ئاپتونوم رايونلۇق ساياھەت تەرەققىيات كومىتېتى باشقۇرۇپ ئۇيۇشتۇرغان «يىپەك يولىدىكى چوڭ بىرلەشمە دوستلۇق، يىپەك يولى بەلبېغىدىكى ساياھەت، مەدەنىيەت ئالماشتۇرۇش پونكىتى، دۆلەت ئاتلىغان ئۆرپ-ئادەت» پائالىيىتى بويىچە ساياھەتكە ئاتلىنىش مۇراسىمى ئۈرۈمچىدە ئۆتكۈزۈلدى.
تونۇشتۇرۇشقا ئاساسلانغاندا، بۇ قېتىملىق پائالىيەت جۇڭگو-قازاقىستان ئوتتۇرىسىدىكى دوستانە ھەمكارلىشىش ئاساسىدا ئىلگىرى سۈرۈلگەن بولۇپ، ئاپتوبۇس، ئۆي ئاپتوموبىلى، دالا ئاپتوموبىلى قاتارلىق ۋاسىتىلەر بىلەن ئېلىپ بېرىلىپ، جۇڭگو-قازاقىستان ئىككى دۆلەت ئوتتۇرىسىدىكى ئادىمىيەت ئالاقىسىنى ئىلگىرى سۈرۈش نىشان قىلىنىدىكەن.
بۇ قېتىملىق دۆلەت ئاتلىغان ساياھەت يەتتە كۈنلۈك بولۇپ، ئۈرۈمچىدىن قوزغالغان ئاپتوموبىللار قازاقىستاننىڭ ئالمۇتا شەھىرىگە يېتىپ بېرىپ، 19-ئاپرىل ئالمۇتۇدا ئۆتكۈزۈلىدىغان ساياھەت يەرمەنكىسىگە قاتنىشىدىكەن. بۇ قېتىملىق ساياھەتكە قاتنىشىدىغان ئاپتوموبىل ھەۋەسكارلىرى ئۆزى ئاپتوموبىل ھەيدەپ چېگرا ئاتلاپ ساياھەت قىلىش ئاتا قىلغان ئۆزگىچە ساياھەت تۇيغۇلىرىغا ئىگە بولغاندىن باشقا، جۇڭگو-رۇسىيە ئوتتۇرىسىدىكى ساياھەت مەدەنىيەت ئالماشتۇرۇشىدىكى ئەلچىلەردىن بولىدىكەن.
كۆرۈپ بېكىتكۈچى: ياسىن قادىر
مەنبە: خەلق تورى