دۇنيا خەير-ساخاۋەت ئەلچىسى، بىرلەشكەن دۆلەتلەر تەشكىلاتىنىڭ زەھەر چەكلەش ئوبراز ۋەكىلى، خەلقئارالىق داڭلىق كىنو چولپىنى چېڭ لوڭ ئەپەندى تۇغۇلغانلىقىنىڭ 63 يىللىقى خاتىرىلەندى

2017.04.13 15:06   مەنبە: خەلق تورى

　　خەلق تورى ئۇيغۇرچە قانىلىنىڭ 13-ئاپرېل بېيجىڭدىن بەرگەن تېلېگراممىسى: (ئاۋات ناھىيەلىك تەشۋىقات بۆلۈمىدىن تۇرسۇنجان ھەسەن خەۋىرى) 2017-يىلى 4-ئاينىڭ 7-كۈنى ئاۋات ناھىيەسى غوروچۆل بازىرى لوڭزېشىن مەكتىپىدە شياڭگاڭنىڭ ۋەتەن قوينىغا قايتىپ كەلگەنلىكىنىڭ 20 يىللىقىنى تەبرىكلەش، ئوقۇغۇچىلاردا مىننەتدارلىق ھېسسىياتىنى يېتىلدۈرۈش، مىللەتلەر ئىتتىپاقلىقىنى كۈچەيتىش، ۋەتەننىڭ بىرلىكىنى قوغداش، ھەر مىللەت خەلقى ئىتتىپاقلىشىپ بىر ئائىلە كىشىلىرىدىن بولۇش تەربىيەسىنى ئەمەلىيلەشتۈرۈش، مىللەتلەرنىڭ ئورتاق گۈللىنىشىنى ئىلگىرى سۈرۈش ئاساسىي مەزمۇن قىلىنىپ، دۇنيا خەير-ساخاۋەت ئەلچىسى، بىرلەشكەن دۆلەتلەر تەشكىلاتىنىڭ زەھەر چەكلەش ئوبراز ۋەكىلى، خەلقئارالىق داڭلىق كىنو چولپىنى چېڭ لوڭ ئەپەندى تۇغۇلغانلىقىنىڭ 63 يىللىقى داغدۇغلۇق خاتىرلەندى.

　　ئاۋات ناھىيەسى غوروچۆل بازىرى لوڭزېشىن باشلانغۇچ مەكتىپى 2005-يىلى 4-ئايدا دۇنيا خەير-ساخاۋەت ئەلچىسى، بىرلەشكەن دۆلەتلەر تەشكىلاتىنىڭ زەھەر چەكلەش ئوبراز ۋەكىلى، خەلقئارالىق داڭلىق كىنو چولپىنى چېڭ لوڭ ئەپەندىنىڭ 800 مىڭ يۈەن مەبلەغ سېلىشى بىلەن قۇرۇلۇپ، 10-ئايدا رەسمىي ئوقۇش باشلانغان. ئوقۇش باشلاش مۇراسىمىدا 100 مىڭ يۈەن قىممىتىدىكى 1000 يۈرۈش ئوقۇغۇچىلار كىيىم-كېچەكلىرى تارقىتىپ بېرىلگەن.

　　شۇنىڭدىن باشلاپ ئۇ 2006-يىلى 6-ئايدا ئوقۇغۇچىلارغا 100 مىڭ يۈەن قىممىتىدىكى كىيىم-كېچەك، 2007-يىلى 10-ئايدا 100 مىڭ يۈەن قىممىتىدىكى ئوقۇش قوراللىرىنى؛ 2008–يىلى 10-ئايدا 100 مىڭ يۈەن قىممىتىدىكى قىشلىق كىيىم-كىچەك، 100 مىڭ يۈەن قىممىتىدىكى ئوقۇش قوراللىرىنى ؛ 2010-يىلى 9-ئايدا 20 مىڭ يۈەن قىممىتىدىكى سۈت، پېچىنە-پىرەنىك قاتارلىق نەرسىلەرنى؛ 2012-يىلى 11-ئايدا 220 مىڭ يۈەن قىممىتىدىكى قىشلىق كىيىم-كىچەك ئىئانە قىلىپ، ئوقۇغۇچىلارغا ئىللىقلىق يەتكۈزگەن.

　　تولۇق بولمىغان ئىستاتىستىكىلارغا ئاساسلانغاندا، چېڭ لوڭ ئەپەندى ئاۋات ناھىيەسى غوروچۆل بازىرى لوڭزېنشىن باشلانغۇچ مەكتىپىگە ھازىرغىچە 1 مىليون 540 مىڭ يۈەن ئىئانە قىلغان.

　　ئاۋات ناھىيەسى غوروچۆل بازىرى لوڭزېشىن باشلانغۇچ مەكتىپىنىڭ مۇدىرى ئۆمەرجان رۇزى مۇنداق دېدى: بۈگۈن چېڭ لوڭ ئەپەندىنىڭ 63 ياشقا كىرگەن تۇغۇلغان كۈنى. مەكتەپتىكى بارلىق ئوقۇتقۇچى-ئوقۇغۇچىلار تۇلۇپ تاشقان قىزغىنلىق بىلەن ئۇنىڭ تۇغۇلغان كۈنىنى قىزغىن تەبرىكلەيمىز، ئۇنىڭ بىزگە ئۇزۇندىن بۇيان قىلىۋاتقان ياردىمىگە چەكسىز رەھمەت ئېيتىمىز.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ