خەلق تورى ئۇيغۇرچە قانىلىنىڭ 7- دېكابىر بېيجىڭدىن بەرگەن تېلېگراممىسى: (چەرچەن ناھىيەلىك رادىيو-تېلېۋىزىيە ئىستانسىسىدىن مەڭلىك ئىمىن خەۋىرى) چەرچەن ناھىيەسىنىڭ چەرچەن بازىرىدا 565 مېيىپ بار بولۇپ، بازارلىق پارتكوم، خەلق ھۆكۈمىتى دۆلەتنىڭ مېيىپلەرگە قاراتقان تۈرلۈك ئېتىبار سىياسەتلىرىنى ئەستايىدىل ئەمەللىلەشتۇرۇپ، مېيىپلەرنىڭ تۇرمۇش شارائىتىنى ياخشىلاش بىلەن بىللە، ئۇلارنىڭ مەنىۋى ئېھتىياجىنى قاندۇرۇشقىمۇ ئەھمىيەت بەردى. 6- دېكابىر چەرچەن بازىرىدا مېيىپلەر ئەدەبىيات-سەنئەت پائالىيىتى ئۆتكۈزۈلدى، پائالىيەتتە چەرچەن بازىرىنىڭ ھەرقايسى مەھەللە كومىتېتلىرىدىن كەلگەن مېيىپ سەنئەتكارلار ئۆزلىرى تەييارلىغان مول مەزمۇنلۇق سەنئەت نومۇرلىرىنى ئورۇنداپ، مەيدان كەيپىياتىنى يۇقىرى پەللىگە كۆتۈردى. پائالىيەت جەريانىدا چەرچەن بازارلىق خەلق ھۆكۈمىتى نورمال ھەرىكەت ئىقتىدارى بولمىغان بەش مېيىپقا ھەقسىز مېيىپلەر ھارۋىسى ۋە ھاسا تارقىتىپ بەردى .
سۈرەتتە: پائالىيەتتىن كۆرۈنۈش
كۆرۈپ بېكىتكۈچى: ياسىن قادىر
مەنبە: خەلق تورى