خەلق تورى ئۇيغۇرچە قانىلىنىڭ 5- دېكابىر بېيجىڭدىن بەرگەن تېلېگراممىسى: (قاراقاش ناھىيەلىك رادىيو-تېلېۋىزىيە ئىستانسىسىدىن غۇجىئابدۇللا مەمىتىمىن خەۋىرى، فوتوسى) 12-ئاينىڭ 1-كۈنى قاراقاش ناھىيەسىنىڭ سايباغ يېزىسى تەۋەلىكىدىكى بوستانكۆلگە جايلاشقان «ئويناق» قار تېيىلىش مەيدانىنىڭ ئېچىلىش مۇراسىمى ئۆتكۈزۈلدى. بۇ قار تېيىلىش مەيدانىنى شىنجاڭ «ئويناق» خەلقئارا سودا چەكلىك شىركىتى 20 مىليون يۈەن مەبلەغ سېلىپ قۇرغان بولۇپ، قار تېيىلىش مەيدانى ۋە ئەسلىھەلىرى مەملىكىتىمىزنىڭ ئىلغار سەۋىيەسى بويىچە لايىھەلەنگەن ۋە سەپلەنگەن، كۆلىمى 1000 مو كېلىدۇ. بۇنىڭ بىلەن قاراقاش ناھىيەسى، جۈملىدىن خوتەن ۋىلايىتىدە قار تېيىلىش مەيدانى بولماسلىقتەك تارىخقا خاتىمە بېرىلدى. شۇ كۈنى ۋىلايەتلىك ساياھەت ئىدارىسى، قاراقاش ناھىيەسىنىڭ رەھبەرلىرى ۋە ھەر ساھە ئاممىدىن بولۇپ 1000دىن ئارتۇق كىشى مەيداننىڭ قۇرۇلۇشىغا شاھىت بولدى. قاراقاش ناھىيەلىك سەنئەت ئۆمىكىنىڭ ئارتىستلىرى سەرخىل سەنئەت نومۇرلىرىنى ئورۇنداپ تەنتەنە قىلدى.
سۈرەتتە: قار تېيىلىش مەيدانىنىڭ پائالىيەتلىرىدىن كۆرۈنۈش.
كۆرۈپ بېكىتكۈچى: ياسىن قادىر
مەنبە: خەلق تورى