خەلق تورى ئۇيغۇرچە قانىلىنىڭ 13- ئۆكتەبىر بېيجىڭدىن بەرگەن تېلېگراممىسى: 11- ئۆكتەبىر، لائوس پايتەختى ۋېنتيەندە، شىنجاڭ مەدەنىيەت زىيارەت ئۆمىكى ئەزالىرى «جۇڭگو شىنجاڭ مەدەنىيەت ھەپتىلىكى»نىڭ ئېچىلىش مۇراسىمىدا نومۇر ئورۇنلىماقتا.
شۇ كۈنى كەچتە، «جۇڭگو شىنجاڭ مەدەنىيەت ھەپتىلىكى» لائوس پايتەختى ۋېنتيەندىكى دۆلەتلىك مەدەنىيەت سارىيىدا باشلاندى، شىنجاڭ مەدەنىيەت زىيارەت ئۆمىكى ئېچىلىش مۇراسىمىدا «شادىيانە شىنجاڭ» ئەدەبىيات-سەنئەت نومۇرلىرى كۆرسەتتى. جۇڭگو-لائوس ئىككى دۆلەت دوستلۇقىنى كۈچەيتىپ، ئىككى دۆلەت ئالماشتۇرۇشى ۋە ھەمكارلىقىنى ئىلگىرى سۈرۈش ئۈچۈن، جۇڭگو مەدەنىيەت مىنىستىرلىقى، شىنجاڭ ئۇيغۇر ئاپتونوم رايونلۇق ھۆكۈمەت جۇڭگونىڭ لائوستا تۇرۇشلۇق باش ئەلچىخانىسى ۋە لائوس ئاخبارات-مەدەنىيەت-ساياھەت مىنىستىرلىقىنىڭ قوللىشى بىلەن، لائوس پايتەختى ۋېنتيەن ۋە ئوتتۇرا قىسىمدىكى ساۋانناكىت ئۆلكىسىدە 2016- يىللىق «جۇڭگو شىنجاڭ مەدەنىيەت ھەپتىلىكى» ئۆتكۈزدى، پائالىيەت 13- ئۆكتەبىر ئاخىرلىشىدۇ.
كۆرۈپ بېكىتكۈچى: موللانىياز تۇنىياز
مەنبە: خەلق تورى