خەلق تورى ئۇيغۇرچە قانىلىنىڭ 27-سېنتەبىر بېيجىڭدىن بەرگەن تېلېگراممىسى: ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭ 26-سېنتەبىر چۈشتىن بۇرۇن راكېتا ئارمىيەسى ئورگىنىنى كۆزدىن كەچۈرۈپ، پارتىيە مەركىزىي كومىتېتى ۋە مەركىزىي ھەربىي كومىتېتقا ۋاكالىتەن، راكېتا ئارمىيەسىنىڭ 1-قېتىملىق پارتىيە قۇرۇلتىيىنىڭ ئېچىلغانلىقىنى قىزغىن تەبرىكلىدى، راكېتا ئارمىيەسىدىكى بارلىق كوماندىر-جەڭچىلەردىن سەمىمىي ھال سورىدى. ئۇ مۇنۇلارنى تەكىتلىدى: راكېتا ئارمىيەسى ئېلىمىزنىڭ ئىستراتېگىيەلىك تەھدىت يادرولۇق كۈچى، ئېلىمىزنىڭ چوڭ دۆلەتلىك ئورنىنىڭ ئىستراتېگىيەلىك كاپالىتى، دۆلەت خەۋپسىزلىكىنى قوغداشنىڭ مۇھىم ئۇل تېشى. پارتىيەنىڭ يېڭى ۋەزىيەتتىكى ئارمىيەنى قۇدرەت تاپقۇزۇش نىشانىنى يېتەكچى قىلىپ، يېڭى ۋەزىيەتتىكى ئارمىيە ئىشلىرىنىڭ ئىستراتېگىيەلىك فاڭجېنىنى ئىزچىللاشتۇرۇپ، ئارمىيەنى سىياسىي جەھەتتە قۇرۇپ چىقىش، ئىسلاھات ئارقىلىق ئارمىيەنى كۈچەيتىش، ئارمىيەنى قانۇن بويىچە باشقۇرۇشتا چىڭ تۇرۇپ، تارىخىي بۇرچنى ئەستە چىڭ ساقلاپ، ئىستراتېگىيەلىك ئىقتىدارنى يۇقىرى كۆتۈرۈپ، تىرىشىپ قۇدرەتلىك، زامانىۋىلاشقان راكېتا ئارمىيەسىنى قۇرۇپ چىقىش كېرەك.
شىنجاڭ گېزىتى تەرجىمىسى
مەنبە: خەلق تورى