خەلق تورى ئۇيغۇرچە قانىلىنىڭ 4-ئىيۇل بېيجىڭدىن بەرگەن تېلېگراممىسى: 3-ئىيۇل، فىرانسىيە كوماندىسى ئەزاسى بوگبا (كەينىدىكىسى) بىلەن گرىزمان مۇسابىقىدىن كېيىن پاراڭلاشماقتا. شۇ كۈنى، فىرانسىيەنىڭ پارىژدا ئۆتكۈزۈلگەن 2016-يىللىق ياۋروپا لەۋھە تالىشىش مۇسابىقىسى تۆت كۈچلۈكلەر مۇسابىقىسىدە، فىرانسىيە كوماندىسى ئىككىگە قارشى بەش نەتىجە بىلەن ئىسلاندىيە كوماندىسىنى يېڭىپ، تۆت كۈچلۈكلەر قاتارىغا كىردى.
فىرانسىيەلىكلەر دۇنيا لوڭقىسىنى كۆتۈرگەن فىرانسىيە تەنتەربىيە مەيدانىدا «ئىسلاندىيە چۆچىكى» 3-ئىيۇلدىكى يامغۇرلۇق كېچىدە ئاخىرلاشتى. ساھىبخان كوماندا ئالدىنقى يېرىم مەيداندا ئۇلاپ تۆت توپ كىرگۈزۈپ، ئۇدا مۆجىزە يارىتىپ كەلگەن «قارا تۇلپار» ئىسلاندىيەنى 5:2 نەتىجىدە مەغلۇب قىلىپ، بۇ نۆۋەتلىك مۇسابىقىدىكى توپ ئەڭ كۆپ كىرگەن بىر مەيدان غەلبىنى قولغا كەلتۈردى.
بۇندىن ئىلگىرى ئالدىنقى يېرىم مەيداندا توپ كىرگۈزۈپ باقمىغان فىرانسىيە كوماندىسى «ئىلمانلىق» ئادىتىنى ئۆزگەرتىپ، ئالدىنقى 45 مىنۇتتا تۆت توپ كىرگۈزدى. بەل قويۇۋەتمىگەن ئىسلاندىيەلىكلەر كېيىنكى يېرىم مەيداندا ئاجايىپ غەيرىتى ۋە تاكتىكا ساپاسىنى نامايان قىلىپ، ئىككى توپ كىرگۈزدى، بىراق ئارقىدىن فىرانسىيە كوماندىسى يەنە بىر توپ كىرگۈزدى.
فىرانسىيە كوماندىسى يېرىم ھەل قىلغۇچ مۇسابىقىدە گېرمانىيە بىلەن تۇتۇشىدۇ. بۇ، بىر مەيدان ھەل قىلغۇچ مۇسابىقە دەرىجىسىدىكى كۈچلۈكلەر ئېلىشىشى بولۇپ قالىدۇ.
كۆرۈپ بېكىتكۈچى: ياسىن قادىر
مەنبە: خەلق تورى