خەلق تورى ئۇيغۇرچە قانىلىنىڭ 27- ئىيۇن بېيجىڭدىن بەرگەن تېلېگراممىسى: ئاپتونوم رايونىمىزدا تۇنجى قېتىم ئۆتكۈزۈلگەن شەھەر مارافونچە يۈگۈرۈش مۇسابىقىسى - خۇڭشىڭ مېيكەيلۇڭ 2016-يىللىق شىنجاڭ شىخۇ خەلقئارا مارافونچە يۈگۈرۈش مۇسابىقىسى 25-ئىيۇن شىخۇ شەھىرىدە ئۆتكۈزۈلدى.
مۇخبىرنىڭ ئۈرۈمچى مارافونچە ئۇزۇنغا يۈگۈرۈش جەمئىيىتىدىكى مۇناسىۋەتلىك خادىمدىن ئىگىلىشىچە، بۇ قېتىملىق مۇسابىقە شىنجاڭدىكى تارىختىن بۇيان قاتناشقان ئادەم سانى شۇنداقلا چەت ئەللىك ماھىرلارنىڭ سانى ئەڭ كۆپ، كۆلىمى ئەڭ چوڭ بولغان بىر قېتىملىق خەلقئارالىق مارافونچە يۈگۈرۈش مۇسابىقىسى ئىكەن. بۇ قېتىملىق مۇسابىقىگە قاتناشقانلارنىڭ سانى 10 مىڭغا يەتكەن بولۇپ كىنىيە، قازاقىستان، رۇسىيە قاتارلىق 21 دۆلەتتىن كەلگەن چەت ئەللىك 42 تەنھەرىكەتچى ھەمدە دۆلىتىمىزنىڭ ھەر قايسى جايلىرىدىن كەلگەن مارافونچە يۈگۈرۈش ھەۋەسكارلىرى بۇ مۇسابىقىگە قاتناشقان.
كۆرۈپ بېكىتكۈچى: ياسىن قادىر
مەنبە: خەلق تورى