سەھەردىكى ئومۇميۈزلۈك قۇتقۇزۇش

2016.06.24 15:56   مەنبە: خەلق تورى

　　خەلق تورى ئۇيغۇرچە قانىلىنىڭ 24- ئىيۇن بېيجىڭدىن بەرگەن تېلېگراممىسى: 24-ئىيۇن سەھەردە، ئىزدەش-قۇتقۇزۇش خادىملىرى يەنچېڭ شەھىرى فۇنىڭ ئىقتىسادىي تەرەققىيات رايونى بېيچېن كەنتىنى تەكشۈرۈپ، قۇتقۇزۇش ئېلىپ باردى. تاڭ سەھەردە، ئىزدەش-قۇتقۇزۇش خادىملىرى داۋاملىق تۈردە جياڭسۇ ئۆلكىسى يەنچېڭ شەھىرى فۇنىڭ ناھىيەسىدىكى ئاپەتكە ئۇچرىغان رايونلاردىكى زاۋۇت بىناسى، تۇرالغۇ قاتارلىق جايلاردا ئومۇميۈزلۈك تەكشۈرۈپ ئىزدەپ، ئاپەتكە ئۇچرىغان ئاممىنى قۇتقۇزدى.

　　23-ئىيۇن چۈشتىن كېيىن، جياڭسۇ ئۆلكىسى يەنچېڭ شەھىرى فۇنىڭ ناھىيەسى، شېياڭ ناھىيەسىنىڭ بىر قىسىم رايونلىرىدا تۇيۇقسىز قارا قۇيۇن، مۆلدۈر ئاپىتى يۈز بېرىپ، نۇرغۇن يېزا - بازار ئاپەتكە ئۇچرىدى، نۇرغۇن ئۆيلەر، زاۋۇت ئۆيى، سىنىپلار ئۆرۈلۈپ چۈشتى، قىسمەن يوللاردا قاتناش توسقۇنلۇققا ئۇچرىدى. دەسلەپكى ئىستاتىستىكىغا ئاساسلانغاندا، بۇ قېتىملىق ئاپەتتە 78 ئادەم قازا قىلغان، تەخمىنەن 500 ئادەم يارىلانغان.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ