خەلق تورى ئۇيغۇرچە قانىلىنىڭ 27-ماي بېيجىڭدىن بەرگەن تېلېگراممىسى: 26-ماي، موڭغۇلىيە ئۇلانباتورنىڭ غەربىگە 65 كېلومېتىر كېلىدىغان جايدىكى موڭغۇلىيە ئارمىيەسى ئۇنىۋېرسال مەشىق مەركىزىدە، ھەرقايسى دۆلەتنىڭ مانېۋىرغا قاتناشقان كوماندىر-جەڭچىلىرى «قاغاننىڭ ئىزدىنىشى __ 2016» كۆپ دۆلەت تىنچلىق ساقلاش مانېۋىرىدىكى مۇناسىۋەتلىك تۈرلەر مانېۋىرىغا قاتناشماقتا. شۇ كۈنى، «قاغاننىڭ ئىزدىنىشى __ 2016» كۆپ دۆلەت تىنچلىق ساقلاش مانېۋىرى تاراتقۇلارغا ئېچىۋېتىلدى.
بۇ قېتىملىق مانېۋىر 5-ئاينىڭ 22-كۈنى موڭغۇلىيەدە باشلانغان بولۇپ، جۇڭگونى ئۆز ئىچىگە ئالغان 47 دۆلەت 2000دىن ئارتۇق كىشىنى ئەۋەتىپ مانېۋىرغا قاتناشتۇردى، مانېۋىر مەزمۇنى ھەقىقىي ئەسكەرلەر مەشقى، ئۆي ئىچى مانېۋىرى، قۇرۇلۇش ياردەم ۋە داۋالاش ياردىمى قاتارلىق تۆت چوڭ تۈرنى ئۆز ئىچىگە ئالىدىغان بولۇپ، مانېۋىر 6-ئاينىڭ 4-كۈنى ئاخىرلىشىدۇ.
تەكشۈرۈپ بېكىتكۈچى: ياسىن قادىر
مەنبە: خەلق تورى