خەلق تورى ئۇيغۇرچە قانىلىنىڭ 25- ماي بېيجىڭدىن بەرگەن تېلېگراممىسى: 24-ماي، ماڭگو خۇيۈ 2016-يىللىق جۇڭگو تەكلىماكاننى ئايلىنىش (خەلقئارالىق) راللى مۇسابىقىسى بۇ قېتىملىق مۇسابىقىدىكى تۇنجى قۇملۇق مۇسابىقە بۆلىكى-ئۇمۇمىي ئۇزۇنلىقى 234 كىلومېتىر كېلىدىغان يېڭىئۆستەڭ مۇسابىقە بۆلىكىنى كۈتۈۋالدى. يېڭىئۆستەڭ مۇسابىقە بۆلىكى بولسا تەكلىماكاننى ئايلىنىش راللى مۇسابىقىسىدىكى بىردىنبىر ئەڭ تىپىك بولغان مۇسابىقە بۆلىكى. تەكلىماكاننى ئايلىنىش راللى مۇسابىقىسى تۆت يىل ئۆتكەندىن كېيىن، 2016 ـ يىلى يەنە يېڭىئۆستەڭگە قايتىپ كەلدى. ئەمما، ئويلىمىغان يەردىن مۇسابىقە باشلىنىپلا كۈچلۈك قۇم - بورانلىق ھاۋارايى كۆرۈلۈپ، مۇسابىقىنىڭ قىيىنلىق دەرىجىسىنى ئاشۇرۇۋەتتى.
بۇ مۇسابىقە بۆلىكىدە ماھىرلار ئېزىتقۇغا ئوخشاش قومۇشلۇق ۋە توغراقلىقلاردىن كېسىپ ئۆتىدىغان بولۇپ، يول باشلاش ئىنتايىن مۇھىم، سەللا دىققەت قىلىنمىسا يەنە ئەسلىدىكى يولغا قايتىپ كېلىشى، ئېگىز قۇم بارخانلىرى ئارىسىغا كىرگەندىن كېيىن، ئاپتوموبىلنىڭ پېتىپ قېلىش ئەھۋالى ھەر ۋاقىت يۈز بېرىشى مۇمكىن. جۇ يۇڭ قاتارلىق جۇڭگونىڭ داڭلىق ماھىرلىرى ئىلگىرى بۇ يەردە مەغلۇپ بولۇپ قايتىپ كەتكەن بولۇپ، «ھالاكەت مۇسابىقە بۆلىكى» دەپ ئاتالغان.
كۆرۈپ بېكىتكۈچى: ياسىن قادىر
مەنبە: خەلق تورى