خەلق تورى ئۇيغۇرچە قانىلىنىڭ 28-ئاپرېل بېيجىڭدىن بەرگەن تېلېگراممىسى: 26-ئاپرېل، ئۇكرائىنانىڭ چېرنوبىلدا، ئۇكرائىنا زوڭتوڭى پوروشېنكو (سولدىن ئالدىدا) تازىم قىلىپ، يادرو ۋەقەسىدە قازا قىلغانلارغا تەزىيە بىلدۈرمەكتە. شۇ كۈنى، ئۇكرائىنا ھۆكۈمىتى چېرنوبىل يادرو ۋەقەسىنىڭ 30 يىللىقىنى خاتىرىلەش پائالىيىتى ئۆتكۈزدى. ئۇكرائىنا زوڭتوڭى پوروشىنكو 30 يىل بۇرۇن يادرو ۋەقەسىدە قازا قىلغانلار خاتىرە ئابىدىسىگە گۈل قويۇپ سۈكۈتتە تۇردى.
1986-يىلى 4-ئاينىڭ 26-كۈنى، ئۇكرائىنانىڭ شىمالىدىكى بىلورۇسىيە چېگراسىغا يېقىن جايدىكى چېرنوبېل يادرو ئېلېكتىر ئىستانسىسىنىڭ 4-نومۇرلۇق رېئاكتور گۇرۇپپىسى تۇيۇقسىز پارتلاپ، 30 كىشى نەقمەيداندا قازا قىلغان، سەككىز توننىدىن ئارتۇق كۈچلۈك رادىيوئاكتىپلىق ماددا ئېقىپ كەتكەن. شۇ قېتىملىق يادرو ئېقىپ كېتىش ۋەقەسىدە يەنە ئېلېكتىر ئىستانسىسى ئەتراپىدىكى 60 مىڭ كىۋادرات كېلومېتىرلىق تۇپراق بىۋاسىتە بۇلغانغان، 3 مىليون 200 مىڭدىن ئارتۇق كىشى رادىئاتسىيەنىڭ زىيانكەشلىكىگە ئۇچرىغان. بۇ، ھازىرغىچە ئىنسانلارنىڭ يادرو ئىنېرگىيەسىدىن تىنچ پايدىلىنىش تارىخىدىكى ئەڭ ئېغىر ۋەقە بولۇپ قالدى.
كۆرۈپ بېكىتكۈچى: ياسىن قادىر
مەنبە: خەلق تورى