خەلق تورى ئۇيغۇرچە قانىلىنىڭ 26-ئاپرېل بېيجىڭدىن بەرگەن تېلېگراممىسى: دۆلەت رەئىسى شى جىنپىڭنىڭ ئالاھىدە ئەلچىسى، گوۋۇيۈەننىڭ مۇئاۋىن زوڭلىسى جاڭ گاۋلى 22-ئاپرېل نيۇيوركتىكى ب د ت باش ئىشتابىدا «پارىژ كېلىشىمى» ئىمزالاش ئالىي دەرىجىلىكلەر مۇراسىمىغا قاتناشتى ھەم جۇڭگوغا ۋاكالىتەن «پارىژ كېلىشىمى»نى ئىمزالىدى. جاڭ گاۋلى ئىمزا قويۇش مۇراسىمىنىڭ باشلىنىش مۇراسىمىدا «<پارىژ كېلىشىمى>نى ئەمەلىيلەشتۈرۈشنى ئىلگىرى سۈرۈپ، ئىنسانىيەتنىڭ گۈزەل ماكانىنى بىرلىكتە بەرپا قىلايلى» تېمىدا سۆز قىلدى.
جاڭ گاۋلى سۆزىدە «پارىژ كېلىشىمى»نىڭ مەقسىتى «ب د ت كىلىمات ئۆزگىرىشى رامكا ئەھدىنامىسى»نىڭ ئەمەلىيلەشتۈرۈلۈشىنى كۈچەيتىش بولۇپ، 2020-يىلدىن كېيىنكى يەرشارىنىڭ كىلىمات ئۆزگىرىشى، يېشىل تۆۋەن كاربونلۇق تەرەقققىياتنىڭ سىخېمىسى ۋە كېلەچىكىنى ئوتتۇرىغا قويدى. بۇ، ئىنسانىيەتنىڭ كىلىماتنى تۈزەش تارىخىدىكى ئابىدە ھېسابلىنىدۇ.
كۆرۈپ بېكىتكۈچى: ياسىن قادىر
مەنبە: خەلق تورى