خەلق تورى ئۇيغۇرچە قانىلىنىڭ 8- ئاپرېل بېيجىڭدىن بەرگەن تېلېگراممىسى: 5 - ئاپرېل، شىنجاڭ خوتەن شەھىرىنىڭ جىيا يېزىسى كالتەتۈگمەن كەنتىدىكى مەخسۇس ئەنئەنىۋى قول بىلەن ئەتلەس توقۇيدىغان ھۈنەرۋەنچىلىك دۇكىنىدا، پىلە غوزىكىنى قاينىتىپ يىپەك يىپ چىقىرىشتىن يىپنى بوياش، قولدا ئەتلەس توقۇشقىچە بولغان ھەرقايسى ئىش ھالقىسى تەرتىپلىك ئىشلىنىۋاتقان ئىدى.
تونۇشتۇرۇلۇشىچە، جىيا يېزىسى شىنجاڭ ئەتلىسى توقۇلىدىغان ئاساسلىق يۇرت بولۇپ، ئەتلەس ماكانى دېگەن نامى بار. ھازىرغىچە بۇ يېزىدا يەنىلا قەدىمكى بوياقچىلىق رەڭلىرى ئارقىلىق بوياش تېخنىكىسى ۋە ياغاچتىن ئۆزى ياسىۋالغان توقۇمىچىلىق دۇكىنى ساقلىنىپ كەلگەن.
بۇ يېزىنىڭ ئۈچتىن ئىككى قىسىم ئاممىسى ئەتلەس توقۇيدىغان بولۇپ، ئىستاتىستىكا قىلىنىشىچە، خوتەن شەھىرىدە 100 دىن ئارتۇق ئوتتۇرا، كىچىك كۆلەملىك ئەتلەس توقۇش بويىچە ئىگىلىك تىكلەش بازىسى قۇرۇلغان. پەقەت جىيا يېزىسىدىلا ئەتلەس توقۇشنى ئۆگىندىغان ياشلار 100 دىن ئاشىدىكەن. بۇ خىل يوقىلىش گىردابىغا بېرىپ قالغان ئەتلەسچىلىك ۋە يىپەك توقۇمىچىلىق ھۈنىرى يېقىنقى يىللاردىن بۇيان بۇ جايدا قايتىدىن گۈللىنىشكە يۈزلەنگەن.
كۆرۈپ بېكىتكۈچى: ياسىن قادىر
مەنبە: خەلق تورى