خەلق تورى ئۇيغۇرچە قانىلىنىڭ 6-ئاپرېل بېيجىڭدىن بەرگەن تېلېگراممىسى: (ئونسۇ ناھىيەلىك مەدەنىيەت يۇرتىدىن ئىختىيارىي مۇخبىرىمىز ئابدۇسالام ئۇلۇغ خەۋەر قىلىدۇ) يېقىنقى كۈنلەردىن بۇيان، ئونسۇ ناھىيەسى ئاپتونوم رايون قانات يايدۇرغان «مىللەتلەر ئىتتىپاقلىقى-تەرەققىياتى يىلى» پائالىيىتىگە ئاكتىپ ئاۋاز قوشۇپ، مىللەتلەر ئىتتىپاقلىقى ھېكايىسىنى «ئون مىڭلىغان كىشى سۆزلەش» پائالىيىتى ئۆتكۈزدى. پائالىيەتتە ئاپتونوم رايون بۇيىچە «مىللەتلەر ئىتتىپاقلىقىدىكى ئىلغار نەمۇنىچى شەخس» شەرىپىگە ئېرىشكەن توپقان كەنتنىڭ مۇدىرى جاۋ جۈنسو ۋە مېيىپلارغا ئىللىقلىق يەتكۈزۈش، مىللەتلەر ئىتتىپاقلىقىنى قوغداش نەمۇنىچىسى ۋاڭ شۈەيپىڭ قاتارلىق ئىلغار شەخسلەر، ئىلغار تىپلار كىشىنى تەسىرلەندۈرىدىغان تەسىرلىك ئىش ئىزلىرىنى، مىللەتلەر ئىتتىپاقلىقى ھېكايىلىرىنى سۆزلەپ، مىللەتلەر ئىتتىپاقلىقىنىڭ مۇھىملىقى ۋە ئەھمىيىتىنى ھەر مىللەت ئاممىسىغا كەڭ تەشۋىق قىلىپ، تۆمۈر چوققا ئاسمىنىدا مىللەتلەر ئىتتىپاقلىقىنىڭ زەپەر مارشىنى ياڭراتتى .
سۈرەتتە : 1-ئاپرېل، ناھىيە بۇيىچە ئېلىپ بېرىلغان «مىللەتلەر ئىتتىپاقلىقى-تەرەققىياتى يىلى» پائالىيىتىنى قانات يايدۇرۇش تېمىسىدىكى سەپەرۋەرلىك پائالىيىتىدىن كۆرۈنۈشلەر.
كۆرۈپ بېكىتكۈچى: ياسىن قادىر
مەنبە: خەلق تورى