خەلق تورى ئۇيغۇرچە قانىلىنىڭ 31- مارت بېيجىڭدىن بەرگەن تېلېگراممىسى: 30-مارت، ئامېرىكا پايتەختى ۋاشىنگتوندىكى كۆرگەزمە مەركىزىدە، ساقچىلار يادرو بىخەتەرلىكى باشلىقلار يىغىنى ئاخبارات ۋاستىلىرى مەركىزىنى چارلىماقتا.
4 - نۆۋەتلىك يادرو بىخەتەرلىكى باشلىقلار يىغىنى 31-مارتتىن 3-ئاپرېلغىچە ئامېرىكىنىڭ پايتەختى ۋاشىنگتوندا يىغىن مەركىزىدە ئۆتكۈزۈلىدۇ. بۇ نۆۋەتلىك باشلىقلار يىغىنىدا « يادرو بىخەتەرلىكى خەلقئارا سىستېمىسىنى كۈچەيتىش» باش تېما قىلىنىپ، قانداق قىلىپ يادرو ماتېرىيالى ۋە يادرو ئەسلىھەلىرىنىڭ بىخەتەرلىكىگە ھەقىقىي كاپالەتلىك قىلىش كېرەك، قانداق قىلىپ يادرو تېررورلۇقىنىڭ ئۈنۈملۈك ئالدىنى ئېلىش ۋە زەربە بېرىش كېرەك قاتارلىق مەسىلىلەر نۇقتىلىق مۇزاكىرە قىلىنىدۇ. ھازىر خادىملار باشلىقلار يىغىنىنىڭ ئەڭ ئاخىرقى تەييارلىق خىزمىتىنى ياخشى ئىشلەپ، ئامانلىق ساقلاش دەرىجىسىنى ئۆستۈرۈشكە قولايلىق بولۇشى ئۈچۈن، يىغىن مەيدانىنىڭ ئەتراپىدىكى كوچىلارنى ئاللىقاچان قاشالاپ ۋە توسۇپ بولدى.
كۆرۈپ بېكىتكۈچى: ياسىن قادىر
مەنبە: خەلق تورى