خەلق تورى ئۇيغۇرچە قانىلىنىڭ 1- فېۋرال بېيجىڭدىن بەرگەن تېلېگراممىسى: (ئىختىيارىي مۇخبىرىمىز: غۇجىئابدۇللا مەمىتىمىن، ئابدۇجېلىل روزىھېيت خەۋىرى( شىنجاڭ تېببىي ئۇنىۋېرسىتېتىدىن 2-تۈركۈمدە «ئۈچ ئەل»خىزمىتى بويىچە قاراقاش ناھىيەسىنىڭ ماڭلاي يېزا داخان كەنتىگە چۈشكەن خىزمەت گۇرۇپپىسى 1-ئاينىڭ 29-كۈنى دېھقانلار بىلەن خوشلىشىش،مېھىر-شەپقەت يەتكۈزۈش پائالىيىتى ئۆتكۈزدى.
پائالىيەتتە خىزمەت گۇرۇپپىسىدىكىلەر مەكتەپ رەھبەرلىرىنىڭ قوللىشى بىلەن تەييارلىغان 54 مىڭ 500 يۈەن پۇلنى بۇ كەنتىدىكى تۇرمۇش قىيىنچىلىقى ئېغىر 155 ئائىلىگە ئىككى خىل نىسبەتتە سوۋغا قىلىپ، ئاممىنىڭ چاغان مەزگىلىدىكى تۇرمۇشىنىڭ خۇشال-خۇرام ئۆتىشىگە تىلەكداشلىق بىلدۈردى.
شىنجاڭ تېببىي ئۇنىۋېرسىتېتى پارتكومىنىڭ ئەزاسى، جۇڭيى تىبابىتى ئىنىستىتوتى پارتكومىنىڭ شۇجىسى ماۋ شىنمىن سۆز قىلىپ دېھقانلارنىڭ بىر يىلدىن بۇيان ئۆزلىرىنى قوللىغانلىقىغا رەھمەت ئېيتتى ھەمدە بۇنىڭدىن كىيىن كەنتىگە، دېھقانلارغا داۋاملىق ياردەم بىرىدىغانلىقىنى ئېيتتى. كەنت كادىرلىرى ۋە دېھقانلار خىزمەت گۇرۇپپىسىنىڭ ئۆزلىرىگە قىلغان مېھىر-شەپقىتىدىن چەكسىز مىننەتدار بولدى. كەنت مەسئۇللىرى خىزمەت گۇرۇپپىسىغا لەۋھە تەقدىم قىلىپ، بىر يىلدىن بۇيان كەنتىنىڭ تەرەققىياتى، دېھقانلار تۇرمۇشىنىڭ ياخشىلىنىشى ئۈچۈن سىڭدۈرگەن خىزمەتلىرىگە رەھمەت ئېيتتى.
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى