خەلق تورى ئۇيغۇرچە قانىلىنىڭ11-يانۋار بېيجىڭدىن بەرگەن تېلېگراممىسى: (كۇچا ناھىيەلىك پارتكوم تەشۋىقات بۆلۈمى تاشقى تەشۋىقات ئىشخانىسىدىن ئىختىيارىي مۇخبىرىمىز نىياز راخمان خەۋىرى، فوتوسى) كۇچا ناھىيەسىنىڭ «27- نۆۋەتلىك پەن- تېخنىكا قىشلىقى» ۋە «پەن تېخنىكا، مەدەنىيەت، سەھىيە، قانۇن»نى ئاساسىي قاتلامغا يەتكۈزۈش مۇلازىمەت پائالىيىتىدە ئۈلگە كۆرسىتىش پائالىيىتى 9- يانۋار ياقا بازىرىدا باشلاندى.
پائالىيەتتە ، كۈسەن ناخشا - ئۇسۇل ئۆمىكى مول مەزمۇنلۇق سەنئەت نومۇرى كۆرسەتتى. ناھىيەلىك پەن- تېخنىكا جەمئىيىتى ، پەن تېخنىكا ئىدارىسى ، سەھىيە ئىدارىسى ، ئەدلىيە ئىدارىسى ، مەدەنىيەت - تەنتەربىيە ، رادىيو - تېلېۋىزىيە ئىدارىسى قاتارلىق 20دىن ئارتۇق ئورۇنلارنىڭ مۇلازىمەت پىدائىيلار ئەترىتى 30دىن ئارتۇق مۇلازىمەت سۇپىسى تەسىس قىلىپ، مۇلازىمەت پائالىيىتىنى قانات يايدۇردى.
ئىگىلىنىشچە، بۇ پائالىيەت مارت ئېيىغىچە ھەرقايسى يېزا ، بازار ، مەيدانلاردا قانات يايدۇرۇلۇپ، مىڭلىغان ئاممىنى « تۆتنى ئاساسىي قاتلامغا يەتكۈزۈش » مۇلازىمىتىدىن مەنپەئەتلەندۈرىدىكەن .
سۈرەتتە: پائالىيەتتىن كۆرۈنۈشلەر
مۇھەررىر: تۇرغۇن ئابلىز
مەنبە: خەلق تورى