باش بەت قىلىڭ بەت ساقلاڭ ئالاقىلىشىڭ بىز
خەلق تورى>>كۆپ بەتلىك خەۋەرلەر

شىنجاڭ خوتەن چىرا دامكو تام رەسىملىرىنى قوغداش تۈرى دۆلەت باھالاشدىن ئۆتتى

2015.12.24 11:55   مەنبە: خەلق تورى

شىنجاڭ خوتەن چىرا دامكو تام رەسىملىرىنى قوغداش تۈرى دۆلەت باھالاشدىن ئۆتتى

  خەلق تورى ئۇيغۇرچە قانىلىنىڭ 21-دېكابىر بېيجىڭدىن بەرگەن تېلېگراممىسى: (شىنجاڭ ئىقتىساد گېزىتى مۇخبىرى دىلشاد غوجائەھمەد) ئاپتونوم رايونلۇق مەدەنىيە يادىكارلىقلار ئىدارىسىنىڭ رىياسەتچىلىكىدىكى دۆلەت مەدەنىي يادىكارلىقلار ئىدارىسىنىڭ نۇقتىلىق قوغداش تۈرى بولغان «شىنجاڭ خوتەن چىرا دامكو تام رەسىملىرىنى قوغداش تۈرى» 23 – دېكابىر رەسمىي تۈردە مۇتەخەسىسلەرنىڭ باھالىشىدىن ئۆتتى.

  ئىگىلىشىمچە، خوتەن ۋىلايىتى قەدىمدە ئۇدۇن دەپ ئاتىلىدىغان بۇددا دىنىغا ئېتىقاد قىلىدىغان يۇرت بولۇپ، چىرا ناھىيەسىدىكى دامكو خوتەن ۋىلايىتىدىكى بۇددا دىنى خارابىلىرى ئەڭ كۆپ تارقالغان، بۇ يەردىن نۇرغۇن بۇددا دىنى خارابىلىرى مەيلى سان ياكى كۆلەم جەھەتتىن بولسۇن ئالدىنقى قاتاردا تۇرىدىكەن. 2002 – يىلىدىن 2010 – يىلىغىچە جۇڭگو ئىجتىمائىي پەنلەر ئاكادېمىيەسى ئارخېلوگىيە تەتقىقات ئورنى بۇ يەردىن 1 – نومۇرلۇق ئىزنا (بۇددا مۇنارى)، 2 – نومۇرلۇق ئىزنا (بۇددا سارىيى)، ۋە 3 – نومۇرلۇق ئىزنا (راھىبلار ھويلىسى) نى قېزىپ چىققان. بۇ قېتىم شىنجاڭ موزېيىدا «شىنجاڭ خوتەن چىرا دامكو تام رەسىملىرىنى قوغداش تۈرى» نى باھالاشمۇ دەل دامكوغا بولغان 10 يىلدىن بۇيانقى قېزىش ۋە ئېچىش جەريانىدا بايقالغان تام رەسىملىرىگە قارىتا چىقىرىلغان زور ئىلمىي يەكۈن ئىكەن.

  2013- يىلى 20 – ماي دۆلەت مەدەنىيەت يادىكارلىقلىرى ئىدارىسىنىڭ زور كۈچ بىلەن قوللىشى ۋە 1 مىليون 730 مىڭ مەبلەغ ئاجرىتىشىدا ئاپتونوم رايون چىرا ناھىيەسىدىن 100 گە يېقىن تام رەسىمىنى شىنجاڭ موزېيىغا ئېلىپ كېلىپ، دۇنخۇاڭ تەتقىقاتى ئورنى بىلەن ھەمكارلىشىپ مۇتەخەسىسلەر گۇرۇپپىسى قۇرۇپ، ئەسلىگە كەلتۈرۈش خىزمىتىنى باشلىغان. 2013 – يىلى 20 – مايدىن بۇ يىل ئۆكتەبىرگىچە 98 پارچە تام رەسىمىگە نومۇر قويۇپ چىقىپ، ئۇنىڭ 62 پارچىسىنى ئەسلىگە كەلتۈرگەن، رامكىغا ئالغان. قالغانلىرىغا رەسىم يۈزىدىكى توپىسىنى تازىلاش، رەڭ قەۋىتىنى مۇقىملاشتۇرۇش قاتارلىق قوغداش تەدبىرلىرىنى قوللانغان.

  مەنبە: خەلق تورى

【1】 【2】 【3】 

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان

 سۈرەتلەر

  •  ئاڭلىغانمۇسىز

    •  تەۋسىيە

      ·دۆلەت مائارىپ ئىمتىھانىدا ساختىلىق قىلغانلارنىڭ بىر يىلدىن ئۈچ يىلغىچە ئىمتىھانغا قاتنىشىشى چەكلىنى…
      ·مائارىپ مىنىستىرلىقى ئالاھىدە تۈرگە ئوقۇغۇچى قوبۇل قىلىش قىزىل سىزىقى بېكىتتى
      ·ئاۋات ناھىيەسىدە لۇشۈن باشلانغۇچ مەكتىپى قۇرۇلدى
      ·مائارىپ مىنىستىرلىقى: ئوتتۇرا، باشلانغۇچ مەكتەپلەرنىڭ دەرسلىكىدىن ماۋزېدۇڭ، لۇ شۈن قاتارلىقلارنىڭ ت…
      ·ئېلىمىز مائارىپىنىڭ تەرەققىيات سەۋىيەسى دۇنيانىڭ ئوتتۇرا، يۇقىرى قاتارىغا ئۆتتى
      ·جۇڭگو نېفىت ئۇنىۋېرسىتېتى (بېيجىڭ)نىڭ قاراماي مەكتەپ رايونى قۇرۇلدى
      ·ئوقۇغۇچىلارنىڭ مەكتەپكە بېرىپ كېلىش بىخەتەرلىكى كاپالەتلەندۈرۈلىدۇ
      ·10 ئۆلكە شەھەر جەنۇبىي شىنجاڭنىڭ كەسپىي مائارىپىغا ياردەم قىلدۇ
      ·شياڭگاڭ ئۇنىۋېرسىتېدا ئوقۇشنى خالايدىغانلار ھازىردىن باشلاپ توردا تىزىملاتسا بولىدۇ
      ·شىنجاڭ يەسلى بالىلىرى ئوقۇش رويخېتىنى بىر تۇتاش تۇرغۇزىدۇ