خەلق تورى ئۇيغۇرچە قانىلىنىڭ 25-نويابر بېيجىڭدىن بەرگەن تېلېگراممىسى:ئىختىيارى مۇخبىرلىرىمىز ئابلىمىت سوپىھاجى، دەۋرانجان ئابلىمىت خەۋىرى، فوتوسى: 25- نويابىر چۈشتىن كىيىن، قەشقەر شەھىرىدىكى «قۇتبلىك كۈتۈپخانىسى» بۇ كۈتۈپخانىدا دىھقان ئوقۇرمەنلەر كىتاب ئوقۇش پائالىيىتى ئۆتكۈزدى، شەھەرگە قاراشلىق 11 يېزا-بازاردىن كەلگەن 80 دىن ئارتۇق دىھقان ئوقۇرمەن پائالىيەتكە قاتناشتى. پائالىيەتتە ئابلىز ئۆمەر ئەنجانىي، تۇرسۇن نىياز، ئۆمەر ئوسمان شىپايى، ئابلاجان بوۋاقى قاتارلىق شائىرلار كىتاب ئوقۇشنىڭ ئەھمىيىتى توغرىسىدا توختىلىپ ئۆتتى ھەمدە يازغان شېئىرلىرىنى ئوقۇدى، ئەبەيدۇللا ئوسمان، تۇرسۇنجان مەخەت قاتارلىق دىھقان ئوقۇرمەنلەر ئۆزلىرىنىڭ كىتاب ئوقۇش ئادىتى، ئۇسۇلى ۋە كىتاب ئوقۇشتىن ئالغان تەسىراتلىرىنى سۆزلىدى. «قۇتبىلىك كۈتۈپخانىسى» پائالىيەت ئاخىرىدا پائالىيەتكە قاتناشقان ھەر كىشىگە بىر يۈرۈشتىن كىتاب سوۋغا قىلدى.
سۈرەتتە: كىتاب ئوقۇش پائالىيىتىدىن كۆرۈنۈش
مەنبە: خەلق تورى