خەلق تورى ئۇيغۇرچە قانىلىنىڭ 21-ئۆكتەبىر بېيجىڭدىن بەرگەن تېلېگراممىسى:شۇ يەر ۋاقتى 19-كتەبىر، ئەنگلىيە شاھزادىسى ۋىليام مەركىزىي تېلېۋىزىيە ئىستانسىنىڭ ئالاھىدە پىروگراممىسىغا قاتنىشىپ، ياۋايى ھايۋانلارنى قوغداشنى تەشۋىق قىلدى، قانۇنسىز ياۋايى ھايۋانلار سودىسىغا قاتتىق زەربە بېرىشقا مۇراجىئەت قىلدى. پروگرامما كۆرسىتىش ۋاقتى دەل جۇڭگونىڭ دۆلەت رەئىسى شى جىنپىڭ ئەنگىلىيىدە زىيارەتتە بولۇۋاتقان ۋاقتى شۇنداقلا شاھزادە ۋىليام ئەنگلىيەنىڭ كەلگۈسىدىكى ئىككىنچى ئورۇندا تۇرىدىغان ۋارىسى بولغاچقا بۇ پروگرامما ئەنگلىيە تاراتقۇرلىرىنىڭ ئالاھىدە دىققىتىنى قوزغىدى. ئەنگىلىيە كامبىرىج كىنەزى شاھزادە ۋىليام ئىشخانىسى بۇ پىروگراممىغا ئالاھىدە ئەھمىيەت بەردى. ئۇلار بۇنىڭدىن بۇرۇن كەنسىنڭتون سارىيىنىڭ ئاممىۋىي تور سۇپىسىدىمۇ جامائەتچىلىككە بۇ خەۋەرنى رەسمىي ئېلان قىلغان: كامبىرىج كىنەزى شاھزادە ۋىليام بۇ پىروگرامما ئارقىلىق پۈتۈن دۇنيادىكى كىشىلەرگە قانداق قىلغاندا خەۋپ ئاستىدا قالغان ياۋايى ھايۋانلارنىڭ نەسلى قۇرۇپ كېتىشنىڭ ئالدىنى ئالغىلى بولىدىغانلىقىغا ۋە بۇنىڭ ئۈچۈن ئورتاق تىرىشچانلىق كۆرسىتىش كېرەكلىكىنى چۈشەندۈرۈش پۇرسىتىگە ئېرىشكەنلىكىگە رەھمەت ئېيتى. ئەنگلىيە پادىشاھ ئوردىسىنىڭ بىر ئەمەلدارى، مەركىزى تېلېۋىزىيە ئىستانسىسى جۇڭگودا ئەڭ كۆپ ئالقىشقا ئېرىشكەن تارتقۇ دېدى. شاھزادە ۋىليام بىرلىكتە پائالىيەتكە قاتناشقان ياۋ مىڭ، بېل گرېرس ۋە سېر ئېدىنبو بىلەن كۆرۈشتى.(مەلىكەم تەرجىمىسى)
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى