خەلق تورى ئۇيغۇرچە قانىلىنىڭ 11-سېنتەبىر بېيجىڭدىن بەرگەن تېلېگراممىسى: 10- سېنتەبىر «كىم توپ شاھى»پۇتبول مۇسابىقىسىنىڭ ھەل قىلغۇچ مۇسابىقىسى تولۇق ئوتتۇرا گورۇپپىسىى مۇسابىقىسى بېيجىڭ ۋاقتى چۈشتىن كىيىن سائەت6:00دە دۆلەتلىك تەنتەربىيە مەركىزىدە ئۆتكۈزۈلدى. مۇسابىقىگە يېرىم ھەل قىلغۇچ مۇسابىقىدە ياخشى نەتىجىگە ئېرىشكەن قەشقەر 6-ئوتتۇرا مەكتەپ كوماندىسى بىلەن خەلق ئۇنۋېرسىتىتى ئوتتۇرا مەكتىپى كوماندىسى قاتناشتى.
مۇسابىقە دەسلەپتە باشلانغاندا قەشقەر 6-ئوتتۇرا مەكتەپ كوماندىسى كۆپ قېتىم ۋارتاغا توپ ئۇرغان بولسىمۇ، توپ كىرمىدى، مۇسابىقە ئاخىرلىشىشقا ئاز قالغاندا بىر توپ كىرگۈزۈپ، قاتمال ھالەتنى ئۆزگەرتتى.كىيىنكى مەيداندىكى مۇسابىقىدە خەلق ئۇنۋېرسىتىتى ئوتتۇرا مەكتىپى كوماندىسى ئۆزىنىڭ ساھىبخان مەيدانلىق رولىنى تۇلۇق جارى قىلدۇرۇپ، ئارتۇقچىلىقىنى نامايان قىلىپ، شىددەتلىك ھۇجۇمغا ئۆتۈپ، كەينى كەينىدىن توپ كىرگۈزۈپ، ئاخىرىدا 2 گە قارشى 5 نەتىجە بىلەن قەشقەر 6-ئوتتۇرا مەكتەپ كوماندىسىنى مەغلۇپ قىلدى.(ئۆز مۇخبىرىمىز: مەرھابا ئەبەت ماقالىسى/ فوتوسى)
مۇھەررىر: ت. ئا.ئەركمان
مەنبە: خەلق تورى ئۇيغۇرچە قانىلى