خەلق تورى، ئوردوس، 17- ئاۋغۇست تېلېگراممىسى. مەملىكەتلىك 10- نۆۋەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسىنىڭ يېپىلىش مۇراسىمى 17- ئاۋغۇست چۈشتىن كېيىن ئوردۇس شەھەرلىك تەنتەربىيە مەركىزى تەنتەربىيە سارىيىدا داغدۇغىلىق ئۆتكۈزۈلدى، مەملىكەتنىڭ ھەر قايسى ئۆلكە، ئاپتونوم رايون، بىۋاستە قاراشلىق شەھەر، شىنجاڭ ئىشلەپچىقىرىش، قۇرۇلۇش بىڭتۈەنى، جۇڭگو خەلق ئازادلىق ئارمىيەسى ۋە تەيۋەن رايونىدىن كەلگەن تەنھەرىكەتچلەر، تېرىنېرلار ۋە مېھمانلار ئىتتىپاق، شادىيانە، ئىناق كەيپىياتتا بۇ نۆۋەتلىك ئاز سانلىق مىللەتلەر تەنھەرىكەت مۇسابىقىسىنىڭ مۇۋەپپەقىيەتلىك ئۆتكۈزۈلگەنلىكىنى تەبرىكلىدى. مەملىكەتلىك سىياسىي كېڭەشنىڭ مۇئاۋىن رەئىسى، دۆلەت مىللەتلەر ۋە دىن ئىشلىرى كومىتېتىنىڭ مۇدىرى، مەملىكەتلىك 10- نۆۋەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى تەشكىلىي ھەيئىتىنىڭ رەئىسى ۋاڭ جېڭۋېي يېپىلىش مۇراسىمىغا قاتناشتى ھەم تەنھەرىكەت مۇسابىقىسىنىڭ يېپىلغانلىقىنى جاكارلىدى.
شۇ كۈنى چۈشتىن كېيىن 16:30 مىنۇت ئۆتكەندە،
شادىيانە ناخشا، شاد خوراملىق كەيپىياتىغا تولغان ئوردۇس شەھەرلىك تەنتەربىيە مەركىزى تەنتەربىيە سارىيىدا يېپىلىش مۇراسىمى داغدۇغىلىق ئۆتكۈزۈلدى.
مەملىكەتلىك سىياسىي كېڭەشنىڭ مۇئاۋىن رەئىسى، دۆلەت مىللەتلەر ۋە دىن ئىشلىرى كومىتېتىنىڭ مۇدىرى، مەملىكەتلىك 10- نۆۋەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى تەشكىلىي ھەيئىتىنىڭ رەئىسى ۋاڭ جېڭۋېي، ئىچكى مۇڭغۇل ئاپتونوم رايونىنىڭ رەئىسى، مەملىكەتلىك 10- نۆۋەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى تەشكىلىي ھەيئىتىنىڭ رەئىسى باتېر قاتارلىق يولداشلار يېپىلىش مۇراسىمىغا قاتناشتى. دۆلەت تەنتەربىيە باش ئىدارىسىنىڭ مۇئاۋىن باشلىقى، مەملىكەتلىك 10- نۆۋەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى تەشكىلىي ھەيئىتىنىڭ مۇئاۋىن رەئىسى فېڭ جيەنجۇڭ يېپىلىش مۇراسىمىغا قاتناشتى ھەم يېپىلىش مۇراسىمى سۆزى قىلدى. ئىچكى مۇڭغۇل ئاپتونوم رايونلۇق خەلق ھۆكۈمىتىنىڭ مۇئاۋىن رەئىسى، مەملىكەتلىك 10- نۆۋەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى تەشكىلىي ھەيئىتىنىڭ مۇئاۋىن رەئىسى ما مىڭ يېپىلىش مۇراسىمىغا رىياسەتچىلىك قىلدى.
مەنبە: خەلق تورى