خەلق تورى ئۇيغۇرچە قانىلىنىڭ 14-ئاۋغۇست بېيجىڭدىن بەرگەن تېلېگراممىسى: يېقىندا ياۋروپانىڭ نۇرغۇن جايلىرىدا ئارقا-ئارقىدىن پېرسېي يۇلتۇز تۈركۈمى ئاقار يۇلتۇز يامغۇرى
مەنزىرىسى كۆرۈلدى. پېرسېي يۇلتۇز تۈركۈمى ئاقار يۇلتۇز يامغۇرى «بىر يىلدىكى بەش چوڭ ئاقار يۇلتۇز يامغۇرى» نىڭ قاتارىغا كىرگۈزۈلگەن بولۇپ، بەزىلەر ئۇنى«پۈتۈن يىل كۆزىتىشكە ئەڭ مۇۋاپىق كېلىدىغان ئاقار يۇلتۇز يامغۇرى» دېيىشىدۇ. بۇ يىل پېرسېي يۇلتۇز تۈركۈمى ئاقار يۇلتۇز يامغۇرى جانلىنىش مەزگىلى يەنىلا 7-ئاينىڭ ئوتتۇرىلىرىدىن 8-ئاينىڭ ئاخىرىغىچە داۋاملاشقان بولۇپ، 8-ئايدا ئاقار يۇلتۇزنىڭ سانى مۇقىم ئېشىپ، 7- ئاۋغۇستتىكى سانى 10-15 كىچە بولغان، 8- ئاۋغۇست سائىتىگە 20 دىن 30 غىچە كۆپەيگەن. ئەڭ كۆپ مەزگىلى 12- ئاۋغۇست كەچتىن 13-ئاۋغۇست سەھەرگىچە بولغان. (مەرھابا تەرجىمىسى)
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى