خەلق تورى ئۇيغۇرچە قانىلىنىڭ 21-ئىيۇل بېيجىڭدىن بەرگەن تېلېگراممىسى (ئالىم راخمان تەرجىمىسى) 20-ئىيۇل كەچتە، مەدەنىيەت مىنىستىرلىكى، گوۋۇيۈەن ئاخبارات ئىشخانىسى ۋە ئاپتونوم رايونلۇق خەلق ھۆكۈمېتى بىرلىكتە ئۆتكۈزگەن 4-نۆۋەتلىك جۇڭگو شىنجاڭ خەلقئارا مىللىي ئۇسسۇل بايرىمى سانجىدىكى شىنجاڭ تىياتىرخانىسىدا تەنتەنىلىك باشلاندى.
بۇ قېتىملىق ئۇسسۇل بايرىمى «بىر بەلباغ بىر يول» قۇرۇلۇشىنى چۆرىدەپ، «جۇڭگو ئارزۇسى، رەڭگارەڭ يېپەك يولى»نى باش تېما قىلغان بولۇپ، 20-ئىيۇلدىن 5-ئاۋغۇستقىچە ئۈرۈمچىدە ئۆتكۈزۈلىدۇ ھەمدە ئاقسۇ ۋە قارامايدا تارماق مەيدان تەسىس قىلىنىدۇ. جۇڭگو ۋە چەتئەلدىن كەلگەن 25سەنئەت ئۆمىكى شىنجاڭدىكى ھەر مىللەت خەلق تاماشىبىنلىرى ئۈچۈن 78مەيدان نومۇر كۆرسىتىدۇ. بۇنىڭدىن باشقا 3-نۆۋەتلىك جۇڭگو تور ئۇسسۇلى بايرىمى، خەلقئارا ئۇسسۇل ئۇستازى دەرسى، 2015-يىللىق يېپەك يولى كونسېرت سودا يىغىنى، تۇنجى نۆۋەتلىك جۇڭگو شىنجاڭ يېپەك يولى سەنئەت بۇيۇملىرى كۆرگەزمىسى ۋە سەنئەت بۇيۇملىرىنى تالاشتۇرۇپ سېتىش سودا ئالماشتۇرۇش يىغىنى، 10يىل شىنجاڭ ماي بوياق ئىلمىي كۆرگەزمىسى قاتارلىق 5تۈرلۈك ئىجتىمائىي پائالىيەتمۇ ماس قەدەمدە ئېلىپ بېرىلىدۇ.
تەرجىمە مۇھەررىرى: ت. ئا.ئەركمان
مەنبە: خەلق تورى