ئۈرۈمچى شەھىرىدىكى كارخانا خادىمى بۇرھانجان قابلەمەت
‹‹ھەقىقىي ئۆلچەم›› 80-يىللىرىدىن كېيىن توغۇلغان قازاق يىگىتى بۇرھانجان قابلەمەتنىڭ ھاياتىدىكى بىر مۇھىم سۆزى. ئۇ 2-ئىيۇل سائەت 9:30 دا ئۈرۈمچى شەھەر رايونىدىكى ‹‹جىنفېڭ›› پەن-تېخنىكا باش قوراشتۇرۇش زاۋۇتىغا دەل ۋاقتىدا يېتىپ كېلىپ، خىزمەت كىيىمىنى ئالماشتۇرۇپ، كۆك رەڭلىك خىزمەت قالپىقىنى كىيىپ بىر كۈنلۈك خىزمىتىنى باشلىۋەتتى.
تۇرپان شەھىرىدىكى بېيىش باشلامچىسى ئايشەم ئەزىزى
2-ئىيۇل سەھەردە تۇرپان شەھىرى سىڭگىم يېزىسىدىكى ھەممە نەرسە شۇنچىلىك گۈزەل ئىدى. ئايشەم ئەزىزى ئاۋۋالقىدەكلا سائەت 7:00 دە ئورنىدىن تۇرۇپ ھويلىنى سۈپۈرۈپ بولدى، ئۇ ھەركۈنى ئىشلىرىنى مانا مۇشۇندان باشلايتتى. بۇ كۈنى ئۇ 10 يۈرۈش يوتقان-كۆرپىنى تىكىپ بولۇشى كېرەك ئىدى، ۋەزىپىمۇ ئاز ئەمەس ئىدى.
ئايشەم ئەزىزى تۇرپان ھەرەمباغ مىللىيچە كىيىم-كېچەك شىركىتىنىڭ قۇرغۇچىسى، 2008-يىلى ئۇ 150 مىڭ يۈەن مەبلەغ سېلىپ ‹‹ھەرەمباغ›› كەشتىچىلىك دۇكىنى ئېچىپ، مەخسۇس مىللىيچە كەشتىچىلىك مەھسۇلاتلىرىنى توپ ۋە پارچە ساتىدۇ. كېيىن، ئىجارىگە ئالغان دۇكىنى چېقىلماقچى بولۇپ، تۇرپان شەھىرىدىن 40 كىلومېتىر يىراقلىقتىكى سىڭگىم يېزىسىغا كۆچۈپ كېتىدۇ. سودىسى بارغانچە يۈرۈشۈپ، دۇكاننى شىركەت قىلىپ قۇرۇپ چىقىدۇ.