ئامېرىكىدا قان تومۇرلارنى تېز سۈرئەتتە كۆرسىتىپ بېرىدىغان يېڭى تىپتىكى ئەسۋاب بارلىققا كەلدى (1)

2015.03.31 15:20   مەنبە: تەڭرىتاغ ئۇيغۇرچە تورى

　　ئەنگىلىيە ‹‹ كۈندىلىك پوچتا گېزىتى›› نىڭ خەۋىرىگە قارىغاندا، ئامېرىكىدىكى دوختۇرخانىلاردا يېڭى تىپتىكى بىر خىل ئەسۋابنى ئىشلىتىلىش سىناق قىلىنىۋاتقان بولۇپ، سېستىرالار بۇ ئەسۋاب ئارقىلىق بىمار بىلىكىدىكى قان تومۇرلارنى بىر قاراپلا بىلەلەيدىكەن. ئىگىلىنىشىچە، بۇ ئەسۋابتىن چىققان ئادەم بەدىنىگە زىيانسىز ئىنفرا قىزىل نۇرى قان قىزىل ئاقسىلى تەرىپىدىن سۈمۈرۈلگەندىن كېيىن، ئەتراپتىكى توقۇلمىلار تەرىپىدىن قايتا نۇر قايتۇرۇدىكەن. بۇ ئەسۋاب يۇقىرىقى ئۇچۇرلارنى سانلىق مەلۇمات ئارقىلىق بىر تەرەپ قىلغاندىن كېيىن، قان تومۇرلارنىڭ ئورنىنى تېرە يۈزىدە ئەكس ئەتتۈرۈپ بېرىدىكەن.

　　ئىگىلىنىشىچە، بۇ ئەسۋاب تېرە يۈزىگە 10 مىللىمېتىر كېلىدىغان ۋېنا قان تومۇرلىرىنى كۆرسىتىپ بەرگەندىن سىرت يەنە ۋېنا قان تومۇرلىرىنىڭ تېخىمۇ كۆپ تەپسىلىي ئۇچۇرلىرىنى كۆرسىتىپ بېرەلەيدىكەن، ھەتتا ۋېنا قان تومۇرلىرىنىڭ شاخلىنىش نۇقتىسى قاتارلىقلارنىمۇ كۆرسىتىپ بېرەلەيدىكەن.