خەلق تورى ئۇيغۇرچە قانىلىنىڭ 26-فېۋرال بېيجىڭدىن بەرگەن تېلېگراممىسى: 26-فېۋرال، 2015-يىللىق بېيجىڭ كىنو ـ تېلېۋىزىيە ئىنىستىتۇتىنىڭ ئوقۇغۇچى قوبۇل قىلىش ئىمتىھانى رەسمىي باشلاندى. بۇ يىل بېيجىڭ كىنو ـ تېلېۋىزىيە ئىنىستىتۇتىغا تىزىملاتقان ئادەم سانى 24 مىڭ 626 ئادەم قېتىم بولۇپ، بۇلتۇرقىدىن 5641 ئادەم قېتىم كۆپ بولغان. بۇنىڭ ئىچىدە گۈزەل ـ سەنئەت، ئەدەبىيات، ماھارەت كۆرسىتىش، ھەرىكەتلىك تەسۋىر، فوتوگرافلىق قاتارلىق فاكۇلتىتلارغا ئىمتىھان بېرىدىغان ئوقۇغۇچىلار كۆپەيدى. ئىنىستىتۇت سەنئەت تۈرىدىكى تولۇق كۇرس ئوقۇغۇچىلىرىدىن 489 نەپەر قوبۇل قىلىشنى پىلانلىغان بولۇپ، بۇ سان بۇلتۇرقىدىن ئازايغان. ھەممە كۆڭۈل بۈلىدىغان ماھارەت كۆرسىتىش كەسپىنىڭ ئىمتىھانى 6-مارت باشلىنىدىكەن.